واڨفة قدام مستشفى الأمراض العقلية ترددت باش تدخل رجعت زوج خطوات للوراء ..... ومنبعد دارت وولات دخلت ..... حابة تبدا حياتها من جديد ولازم عليها تصفي حساباتها القديمة كامل وتريح ضميرها سقسات عليه نعتولها الغرفة تاعو ..... وصلت ليها ووقفت تشوف فيه كيفاش يضحك ويبكي في نفس الوقت ويعيط بإسمها وهوما يحاولوا يهديوه ڨدمت ليهم وحطت يدها على يد الممرضة اللي كانت رايحة تضربلو إبرة مهدئة ودارتلها براسها لالا .... في نفس الوقت لحڨ سفيان وخرجهم لبرا وخلاها هي وياه وحدهم ....
رحيق حطت يدها على كتفو : يوسف 😔
يوسف غير سمع صوتها دار ليها وتشوكا كي شاف وجهها : شكون نتي .... نتي ماشي رحيق لالا ..... (ڨعد يحرك في راسو يمين ويسار ) ..... لالا رحيق ماتت مااااتت شفتها بعيني .... بصح الصوت نفسو
...... حكم راسو بيديه يا ربيييي رااااح نهبببل أخرجيي علياااا أخرجييي حابين تهبلوووني ...... ڨدمت ليه وحكمتلو وجهو بيديها : يوسف شوف فيا طلع عينيه وشاف فيها
رحيق : شكون أنا ؟؟
يوسف : نتي .... نتي رحيق .... بصح رحيق ماتت
رحيق : يوسف أرواح معايا حكماتو من يدو وڨاعدة تمشي فيه بالشوية حتى وصلوا للسرير تاعو ڨعداتو وڨعدت مقابلاتو
يوسف أسمعني مليح وركز معايا أولا نتا ماكش مريض هاذي حالة نفسية برك ونوعدك بلي نوقف معاك حتان ترجع كيما كنت دارلها براسو إيه ثانيا أنا هي رحيق علابالي راك مصدوم بصح أنا مامتش في هذاك الحريق قدرت نسلك منو بفضل ربي ثم سفيان وعلابالي راك تتسائل على وجهي واش صرالو ضك نحكيلك كلشي ....................
حكاتلو رحيق كامل واش صرالها وبلي جات غير لبارح واليوم على الصباح راهي جات ليه
رحيق : يوسف أنا كرهت من الخدمة هاذي والمشاكل و من فقدان الناس اللي نحبهم كل مرة حابة نعيش حياة عادية كيما كامل لبنات أنا تخليت على روحي وشبابي وأنوثتي غير على جال الإنتقام والخدمة تاعي بصح ضركا خلاص قررت نبدا من جديد إذا حاب نبداو حكايتنا اللي معشناش أحداثها أصلا مع بعض نبداوها ....... و إذا حاب تكمل حياتك بعيد عليا وعلى مشاكلي هذاك قرارك وأنا نحترمو ڨدمت ليه سلمتلو على راسو وهمستلو في وذنو أنا رايحة ضركا نخليك تخمم وغدوا نرجع باش نسمع قرارك غمزتلو وخرجت مخلياتو تايه ويخمم في كلامها ومصدووووم أنها مزالت عايشة وفرحان في نفس الوقت (المهم شكشوكة تاع مشاعر 😂)
************************************
ناض الصباح راح لشمبرة سوزان يهدر معاها مالڨاهاش ڨريب هبل نوض ياسمين ڨاتلو بلي راحت وڨاتلك راني نستنى في ورقة الطلاق توصلني خبط الباب وخرج لڨا ليندا تشوف فيه ومقلقة
ليندا : واش ديجا فاتت ليلة برك ماشفتهاش توحشتها 😑
إسلام : أسكتي عليا يرحم والديك ماخصنيش همك
ليندا : أصبري عليا ياسوزا كيما ديتو راح ننسيه فيك ونخليه يطلڨك ويخرجك من حياتو
************************************
في بلاصة أخرى كانت متكسلة وتخمم في حسام حلت القجر (الدرج) وجبدت الفوطو تاعو تشوف فيها وتتبسم مبقاش بزاف ويولي ملكها ضحكت وباست الفوطو تاعو حتان داها النوم وهي معنقتها ........
🔥كرونيك صراع مع القدر الجزء الثاني 🔥
❤بقلم : عائشة ❤
أنت تقرأ
كرونيك صراع مع القدر ( باللهجة الجزائرية ) الجزء الثاني 🔥🔥
Romanceسلاااااام الزيينات رجعتلكم الجزء الثاني تاع كرونيك صراع مع القدر اللي راح يكونوا فيه أحداث نااااااارية 🔥🔥🔥 وغير متوقعة نهاائيا 😈هيا أتفاعلوا وشعلوووها بلي جام والتعليقات 🔥🔥 توحشتكم 😍❤😎💞💞
