#البارت_السابع
#اليتيمة_العاشگ❤
#بقلمي✨✍️
مڪسور جنحة الفرح.... ما مرة مر بينا
تعنينا ألة بس ختل.... وظل صافن أعلينا
گلنالة أجينا نساعدك... بس أطلع وحاچينا
گال الدمع ماينگطع... سالفتي يمكم هينة
دنگنا وبچينا سوة... وظل هو اليواسينة
گلنالة هيچت الجرح... چان الجرح ناسينا
وبهيچي ودعنا الفرح... والحزن چلب بينا.
ـــــــــــــــــــــــــــــــــــــــــــــــــــــــ ❤❤
گمت اصيح عموووو عليك الله منو هذا الماااات.. شكووو عموووو الله عليك شكو الخيم خيم فاتحه گمت أصيح بـ كل صوتي واعيط...
وعمو يهدي بية...
وراها ماحسيت....
ماعرف شگد مر وقت وآني فاقدة...
وعيت وأسمع صوت عياط وبجي ولطم....
رجعت لـ ذاكرتي اول مافتت لـ شارعنا...
وأتذكرت الخيم....
فتحت عيوني زين ... هاي ماما تلطم وتبجي وتملخ بـ روحها....
وتبارك ومهىٰ وجنات هم...
يلطمن بـ كل حيلهن... عزااا يمممة منوووو ماااات...
أبجي و أصرخ ماما احجولي منوو الله عليكم راح أموت احجننن شڪووو...
جنات ـ لج راح مصطفى رااااااححح
وتدگ علىٰ صدرها
أنصدمت اخوية مصطفىٰ مااات.. ما أصدك
من شفتهن وشفت العزة...
اتأكدت مصطفى من صدگ مات...
گمت أصرخ و أبجي علىٰ بجيهن...
رغم الأذيهة اللي شفتها منة...
بس جانت بسببهم همة فرقونا.... صوفي آني احبه ياااا گلبي....
لاگينة منتول فقدت من البجي والصياح....
ماما أول مرة أشوفها بـ هاي الحالة....
أجة جواد وأهلة للفاتحة وأخذوا من خاطر ماما....
خلصن أيام الفاتحة بـطلاع الروح متنا تعب وبجي عيون ما ظلت عدنا...
ماما أنعزلت بـ غرفتها و أبو مصطفىٰ ساكن الديوانية ويبجي...
... عدت 15 يوم...
جواد كلما يتصل بيه و يگول راح اجيج ارفض.... لأنمالي خلگ وماما وضعها تعبان...........
لحد ما يوم منهن اتصل جواد الساعة بـ3 العصر ماما چانت گاعدة يمي....
گالت منو؟؟
ـ هذا جواد
ـ شيريد جواد كل شوية طُن طُن
ـ ميريد شي ماما بس يريد ياخذني
شو گامت علىٰ حيلها واشوفها اتصلت
وتحجي بـ عجلة...
ـ الوو بدون لف ودوران مالك مره هنا واحنا اللي نطلگ..
أسمع وما أعرف وي منو تحجي گلبي لازمني...
ـ ماما منو هاي علىٰ الفون؟
أنت تقرأ
اليتيمة والعاشگ❤
Romanceطفلة بــ عُمرٍ صغير... عاشت في ظل والدها... حياة سعيدة ومُترفة... فجأة وبدون سابق أنذار.. أنقلبت حياتها رأساً علىٰ عَقب.. وحدث مالم يُكن بالحسبان..💔
