اليتيمة والعاشگ❤

#البارت_الثامن

#البارت_الثامن
#اليتيمة‌_والعاشگ❤
#بقلمي✨✍️

مو بس مختنك ...؟؟؟؟ 💔
ملينه ربي.... #وداعتك
رجعنا للجنة واخذ.. #تفاحتك 🍎
مو اعتراض.. #إعلى الحكم ✋🏻
بس ربي .... #لو تفرج بعد
لو بينه تكلب ساعتك ⏱

ـــــــــــــــــــــــــــــــــــــــــــــــــــــــ ❤❤

عفتها وردت أنزل...

بعدني علىٰ نص الدرج ما حسيت غير بـ دفعة قوية من وراي....

هي طيحة وهي صرررخة عطت بـ كل صوتي .........

رفعت راسي.... أشوف منو اللي دفعني...
لمحت بس خيال أم يقين...

هي ماكو غيرها... جانت فوگ ونزلنا سوية...

ماحسيت غير بـ النزيف اللي أخذ مسار طويل بـ المكان الطحت بي أشوف الدم وأصرخ مو من الوجع لااا بس صرخة وجع بـ روحي وخوف فقدان أبني جانت أقوة من كل وجع...

الله لايوفقج أم يقين علىٰ صراخي ألتموا كلهم.. جواد وعمي تقربولي...

وجواد يصيح راحت رفيف حجي راحت رفيف..

بـ ساعتها حسيت بـ غيمة سودة صارت علىٰ عيوني...

صحيت بس ماعرف بـ يا ساعة...و يا يوم...  و آني وين شنو الصار وياية كولشي مجهول........

ديعقمون جرح بـ راسي... وبـ بطني ألم فضيييع.....
جنات و مهىٰ يبجن....

أسمع ماما تحجي وي جواد بس عيوني مغوشة ما أركز...

منارـ كلشي بي صالح يجوز يطلع مريض ويعللكم.. ما ألكم نصيب بي...الله يعوضكم انشاءالله..

غمضت من كلامها ما مفتهمة عن شنو دتحجي و أصلاً ما أريد أشوفها.... فتحت عيوني أباوع لـ جواد عيونه دم...

ركزت بـ كلامها بس لحظة شنو اللي مالي نصيب بي....

رجعت بـ ذاكرتي.. صوت الدكاترة وصوت السجاجين والمقصات..

مديت ايدي علىٰ بطني.... أتفاجأت فارغة.... دموعي نزلن جمر علىٰ خدي....
..
حسبي الله ونعم الوكيل..
رجعت مررت أيدي أكو ألم و أكو جرح بس إبني ماكو...

تقرب جواد مني وعيونة متروسة دمع.... ويمسح علىٰ شعري
ـ حبيبتي الله يعوضنا انشاءالله

مهىٰ ـ يـ عمري رفو المهم گمتي بـ السلامة....وطلعتي من الموت ربچ ستر...

جنات ـ الحمدلله علىٰ سلامتچ يـ روحي طير من طيور الجنه صار انشاء الله يشفعلچ يم رب العالمين

ـ جواد يعوضنا بـ ششنو إبني وين گلولي وين راح شنو آني ولدت؟؟؟ جواد إبني وين شبيك ما تحجييي...

بين أبجي و أصيح وراسي ما أگدر ارفعة والكلمه گوة تطلع مني....

جنات تقربتلي تهدأ بيه