#البارت_الرابـع
#اليتيمة_والعاشگ🖤
#بقلمي✨✍️
هَـلي حسيتوا بية اليوم
هَـلي بنيتكم الحلوة جفاها النوم
هَـلي مخربين ضحكاتي
هَـلي يااا سند ميلاتي
هَـلي ضاكت الرحبة من الهموم
ــــــــــــــــــــــــــــــــــــــــــــــــــــــــــ 🖤🖤
شغل السيارة و مشى بيها سرررررريع
فجأة حسيت السيارة رح تطير من سرعتها.........
تخبلت گمت أعيط خففففف حنمووووت....
صادفتنا سيارة تمشي بنفس السرعة لو ما
جواد نازل علىٰ الترابي لا چان رحنا بيها...
،،، گلبي أجة يوگف من الهبطة يبست بـ دمي...
ـ ليش هيج شبيك تخبللللت لو ميتين شحصل بلاااا هاااا
ـ أشششش ولا كلمة لو ميتين أحسن...
سكتت عنة وألتفتت للجام رجع شغل السيارة ومشة هـ المرة علىٰ ڪيف..
،،، وصلني للبيت وراح علىٰ خالتة....
.... من طبيت تلگني تبارك وماما...
منار ـ هاي منو جايبج؟؟؟
،، رديت عليها وروحي طالعة... جواد وصلني
ليش؟
تبارك ـ لعد العالم شتگول علينا إذا شافوج
ـ وأنتي شكو خلي العالم شتگول خل تگول...
منار ـ ولجج بدون طولة ألسان طبي جوة العجين اختمر منتظرچ...
ـ ايي ايي رايحة بس بالكراب تتذكرون رفيف من طيح الله حظ هيج عيشة....
... طبيت بدلت وخبزت ولگيت كومة مواعين بـ السنك غسلتهم...
واكلت ورحت حتىٰ أنام تذكرت الجهاز
بـ الجنطة طلعتة لعبت بي شوية ونمت....
الصبح نايمة وما حس غير بـ دفرة علىٰ بطني طفرتني من فراشي....
باوعتلها أفرك بعيوني...
ـ شبيچ لخاطر محمد حتىٰ الحيوانات مايعامولها مثلي....
ـ گومي ولجججج گومي
ـ گمت وگفت علىٰ طولي شكو ماما خير؟؟؟
ـ جواد خابر وأجل الزواج شهرين نوب..
ما أنكر فرحتي بـ هالخبر...
گتلها
ـ ايييي وشنو يعني علىٰ هاي دفرتيني
أنچبي لجج هو علىٰ أساس يحدد
هـ الـ 10 أيام...
ـ اي احچوا وياه وشوفوا ليش أجل
ـ شوفي رفيف إذا مسوية فد لعبة ويَ الولد لو لاعبة بـ ذيلچ من وراي أندمچ علىٰ الساعة الأنولدتي بيها مفهوم..؟؟
ـ لا لعبة ولا شي اصلاً اني الولد شوكت شتيفتة بس مرة وحدة
ـ اي هاي گتلچ خاف اكو ملعوب ترة قد أحذر من أنذر...
تذمرت من كلامها....
،،،، يووووه هسه بلا واحد نايم يگعدون علىٰ تهديد...
شفتها راحت رجعت لفيت راسي ونمت هسه تگول تعالي نظفي وسوي غدة...
،،،، مرت الأيام واحنا علىٰ نفس الوضع،،،،
گاعدة الصبح توني دأسوي ريوگ دخلن علينا جنات ومهى خواتي....
فرحت بـ شڪل عبالك طفل مضيع أمة...
تركت كولشي من أيدي
.... وركضت
حضنتهن واني ابجي وابوس بيهن وهنَ يبوسن بية...
سويتلهن ريوگ وياية وگعدنا ناڪل همزين تبارك وأمي طالعات...
حچت جنات...
ـ اييي رفيف سولفينا خطيبج شلونة؟؟؟
أنت تقرأ
اليتيمة والعاشگ❤
Romantizmطفلة بــ عُمرٍ صغير... عاشت في ظل والدها... حياة سعيدة ومُترفة... فجأة وبدون سابق أنذار.. أنقلبت حياتها رأساً علىٰ عَقب.. وحدث مالم يُكن بالحسبان..💔
