منار.. داطلع تذكرت الجرار مافتشته رجعت فتحته
وشفت الكلاده مالتي اااخ بويه وكمت ابجي سمعت
صوة السياره يمكن جوي رحتي بيها منار طلعت ركض الغرفتي سويت روحي نايمه
ام نور.. ولج ال.. ال.. تعاي ولج ودفرت الباب
منار.. ماحسيت الا الباب اندفر وجتي القنبله اقصد عمتي
ام نور.. ولج الكلاده وين
منار.. لا رد
ام نور.. شوفي لج اطلعين الكلاده لو تشوفين شي ميعجبج افتهمتي طلعيها بسرعه
منار. اي اخذتها ومارح اطلعها لو مدري من يجي
ام نور.. هاي المن تلاسنين وجريتها من شعرها موتتها كتل دفرتها وطلعت بس اخذت القرار رح امشي بل خطه
منار.. لزمتني موتتني كتل جسمي ماحس بي وراسي يوجعني ااخ انوب دفرتني بخصري وطلعت حسبي الله ونعم الوكيل على كل ظالم كل من اذاني وكمت ابجي بابا ماما وينكم ليش عفتوني 😭😭😭😭😭
نرجع قبل يوم بوجود ام احمد اخت ام نور وشنو هي الخطه الي رح تنفذها ضد منار
ام نور.. من اجت اختي دخلت منار للغرفه وبعد ما طلعت كالت اختي
ام احمد.. اكلج انت مو تكولين منحبها وضايجين من وجودها يمنا
ام نور. اي والله ياريد لو تموت شي شياتين اخلص منها
ام احمد. عندي الج شلون خطه الا بشده وكولي اختي ام احمد مابيها فايده
ام نور.. لا وين اكو منج بس شنو هي الخطه
ام احمد........
وتفقن ام احمد تنطي مبايل ل ام نور تحطه ب غرفه منار وعلى اساس هي تحب وتواعد وبل فعل نجحت خطتهن ثاني يوم
ام نور..منار جانت تركب رحت على كيفي دخلت للغرفه وحطيت المبايل جوه المخده (الوساده) وطلعت
كلت الاختي تدك عل مبايل بنفس الوقت الي انا وابو نور دنفوت من يم غرفه منار وسمعنه الصوة ابتسمت بخبث وكلت بكلبي اليوم الاخير الج هنا يا منار ودعي
منار جنت اركب وسمعت صوة عمي ومرته جفلت من يمي خير ياستار طلعت ركض واشوف عمي عيونه بكصته من العصبيه
خير عمو شصاير ما حسيت الا جرني موتني وشمر المبايل عليه وتهمني بشرفي ويسب ويلعن ويفشر
نصدمت شجاب التلفون
العم.. لج ك.. ملفي بيتي لج ربيتج حالج حال نور وطلعتي تتمعشكين من ورانه انا ما الفي بيتي ك.. وس... امشي ولي بره يالله طلعتها بره
منار.. غلط وسب وشتم واتهام ياربي جرني وطلعني برا بس انتبهت مرت عمي تضحك بخبث معقوله هي حسبي الله ونعم الوكيل على كل ظالم
طلعت وانا كلشي ما اندل نوب لا ملابس لا شي دامشي وشفت سياره صارت بتجاهي بس ماضربتني نزل منها شاب لابس ملابس عسكريه وانا اشهك وابجي وبعد ماحسيت بشي..
اسد.. مرت الايام بشكل طبيعي بيوم جنت كلش تعبان وداسوق اتصل مبايلي دارد ما حسيت غير بنيه كدامي شخطت وكفت على صفحه نزلت شفت بنيه شكلهه مبهذل وتبجي
انت هي شنو متنتبهين هسه لو داعمج جا. بعدني مامكمل ووكعت طلعت اركض عليهه..
♥🥀♥ يتبع
