منار.. كعدت الصبح مالكيت فهد عززا وين راح تخبلت كمت اركض طلعت بره دورت يم الكل ماكو بقت بس غرفة اسد ماشفتها رحت على كيفي فتحت الباب وايكت شفت فهد وأسد واحد شابك الثاني اوووي فدوه طلعت مبتسمه محد كاعد والساعه بال7بس انا من نوع اذا كعدت بعد شينومني حطيت قوري الجاي عالنار عزلت البيت رتبته حسب الاصول وعطرته واكو كم ماعون جلفتهن رحت عالقوري لكيته يكلب حطيت جاي وهيل و خليته ينكع وسويت ريوك بيض سلك وكيمر وجبن وقشطه وكاهي والخبز فورت الجاي عاد كعدو عمي و عمتي
ابو وام اسد.. صباح الخير
منار.. صباح النور راحو غسلوا واجوا
ابو اسد.. ليش متعبه نفسج بنيتي
منار.. لا عمو تعبكم راحه
ام اسد.. صدك ليش متعبه نفسج جان انا سويت صدك انت ليش كاعده من وكت والبيت يلمع وريحته طيبه
منار.. لا عمه ولو شمسويه قابل وآلله عمه كعدت وكلت بعد شنومني رتبت البيت وعطرته وكلت اسوي ريوك بدربي
ام وابو اسد.. بارك الله بيج بنيتي تعاي تريكي
منار.. الف عافيه متريكه
الأب والأم.. الله يعافيج
منار.. بتسمت
اسد.. كعدت الصبح شفت فهودي نايم بسته وكمت غسلت ولبست البدله عدلت شعري ونزلت البيت ريحته تجننن قريب ما ادخل المطبخ وريحت الريوك تعط اويلي دخلت كلت صباح الخير
الكل.. صباح النور تعال تريك
اسد.. تقدمت حتى اتريك كعدت وره شويه سمعنه صوة فهد يبجي متعلم كل ما يكعد لازم يبجي داكوم راحت منار ضجت بس انا اعلمها
منار.. نزل اسد كاشد لابس البدله العسكرية ونزل عطره سابقه كعد يتريك وره ثواني سمعت صوة فهد يبجي طلعت اركض عليه فتحت الباب يعمري شبيك شلته غسلتله وبدلتله ودننزل سمعت عمتي ام اسد تكول
ام اسد.. يمه شوكت تزوج شوفلك مره تربيلك ابنك انا كبرت واختك باجر عكبه تروح ومنار خوش بنيه ليش ماتزوجها جربناها وشفناها خوش بنيه ماشاءالله جمال وبيت
اسد.. يوم فكرة الزواج هاي شيليها من بالج تمام استأذن وكمت انا ماحب غير زوجتي و مستحيل اخونها خليت وطلعت
منار.. كلش نقهرت ماعرفت اتكله الا عليه هسه خاف جان يعاملني عالحافه هسه حتى حافه ماكو بعدين ليش تجيبله ام أكيد رح تعامله بقساوه زوجة ابو مستحيل اقبل يزوج حبيبي فهودي مستحيل اخلي احد ياذيك تمام يعمري وددخلت عمي كال
ابو اسد.. تعالي بويه انطيني فهد
منار. نطيته فهد
ام اسد.. يمه منو كعدي مها هم يالله
منار.. حاضر عمه رحت اكعدها كعدت تتريك وره شويه كعد ايهم تريك شويه وراح لدوامه
كملوا ريوك الكل وشلنا ومها ماقبلت اجلف انا رحت رتبت شنو مامرتب ارتبه صارت بال9 عمي اخذنا لسوك اشتريت ملابس عمتي صرفت عليه كومه خطيه تكولي انت مثل بنتي وحتى ملابس مدرسه اخذت رجعنا للبيت صارت بال11 بدلنا ملابس الدوام انا هيج طلعت هيج.👇
