اسد.. وصلني معلوماتها وعرفت هي بريئه رحت البيت عمها طلعتلي مره كالت
ام نور.. تفضل رايد شي
اسد.. بنت حماج المتوفي انطتكم عمرها
ام نور.. اي وشسويلها مثلا اكعد انوح لو شنو
اسد.. لا خلقه ولا اخلاق مره بكد امي ماردت اجاوز
كلتلها لا بس حبيت ابلغكم
ام نور.. وصل يالله مع السلامه وسديت الباب
اسد.. شطت من سدت الباب بس انا الكم الا اربيكم
على ايدي ما اتسمى اسد وانا كد كلمتي طلعت رحت
للبنيه كلت خلي اخذها لبيتنا بما انو بينت الحقيقه
واجرلها بيت يم بيتنا لأن ماعدها احد وصلت فتحت
الباب بالمفتاح ودخلت صيحت يبنيه يبنيه سمعت
خطواتها عل درج اجت وكالت.
منار.. نايمه سمعت فتحت الباب بس ما سويت أي شي
كلت هو إذا يريد شي ياخذه ويطلع صاحني ونزلت
شفته قريب عل درج كلت هاهيه اجت نهايتي أكيد
رح يطردني دنكت افرك بصابيعي ودمعتي بعيني
كلتله محاجا تكول اصلا جنت رح اطلع بس الباب
مقفول شكرآ الك على كلشي سويته وياي مع السلامه
دااطلع
صاح
اسد.. حجت الحجي الفوك ☝ كتمت ضحكتي عبالها
رح اطردها رادت تروح صحت انتضري منو كال راح
اطردج
منار دموعي نزلت.. ها
اسد.. امشي وياي
منار بتوتر.. وين انا اكدر ادبر نفسي بنفسي ردت اطلع
اسد.. انا شحجيت (بصياح )
منار.. كلش خفت من عاط بيه
هزيتله براسي بمعنى اي
اسد.. الا بالعين الحمره يالله تمشي هزت راسها كلتلها رح انتضرج بالسياره طلعت وتذكرت ماعدها ملابس هسه شلون كلت اروح الجيرانه ام مهدي خوش مره من اهل الله اجيب وادزهن بيدها
منار.. راح وانا ملابس ماعندي ومنا ماعرف وين رح يوديني مدري يكتلني ويشمرني حالي من حال الجلب (حشاكم) كمت ابجي انا لو ابويا وامي موجودين جان ماصار الي صار جان عايشين احلى عيشه بابا وماما وياي وانا اكمل دراستي انا صف سادس اول شهر وبطلوني ارجع من الدوام الكه ماما مسويه غده وانا اسلم عليها ويجي بابا من شغله نكعد كلنا ونتونس
بس الحمدلله على كل حال.. فزيت من صفنتي على صوة الباب عززا هسه شلون ملابسي مبهذلات طلعت متفشله فتحت الباب على كيف من الفشله شفت مره ستغربت
ام مهدي.. شلونج يمه هاي الهدوم الج دزلجاهن ابو فهد البسيهن وطلعي ينتضرج
منار.. استغربت شنو ابو فهد معقوله عنده ولد اسمه فهد طيرت الافكار من راسي كلت يمكن يصحوله ابو فهد كلتلها شكرآ خاله تعبتج (ملاحظه البارت الاول نسيت اكللكم اسد متزوج بس زوجته متوفيه بولادة فهد توفت عنده طفل عمره سنتين ونص بس بالبارتات الفاتن جان ما اله دور لأن جان بيت جده اهل امه الله يرحمها بس بالبارتات الجايه رح يكون اله دور )
