تصويت متخسر شي ترا
منار.. الكل راح الغرفته جانت الساعه بال5.00 دخلت
والدمعه بعيوني شفت فهد بحضن مها اول ماشافني
كام يكمز اجا يركض جان يوكع الله الله كوم حبيبي
وشلته وكمت العبه اجت مها وكالت
مها.. حبيبتي منو لتزعلين من اخويه والله هو كلبه
طيب بس احتمال جان ضايج وهيج حجه
منار.. حقه شاف ابنه ايكول لبنت غريبه ماما انا لو
بداله جنت رح اسوي نفس الشي لتبررين متفهمته مها حبت تغير الموضوع
مها. اعرف اخويا جان يحب مرته كلش هواي وهو من نوع المعقد بس منار طلعت ذكيه عارفه شنو المضوجه حبيت اغير الموضوع كلتلها انتضري ثواني هسه ارجع
رحت على ايهم وكلتله ايهومي حبيبي عندي طلب
ابهم.. خير ياستار شرايده
مها.. حبيبي اريد حبشكلات الي وال منار حتى بليل
نشوف فلم
ايهم.. اها وشرايده
مهاحجت دفعه وحده... اريد جبس ابو الألف وبطل ببسي ونساتل واندومي و كيك وحب ولمبر وان وبعد انت جيب على ذوقك
ايهم.. لا والله
مها.. والله ترا اكول ال أسد
ايهم.. تدللين بت روحي بعد شرايده
مها.. كلشي ماريد بعد سلامتك
ورجعت كلت ال منار
منار.. ولج شكد عيب ليش هيج
مها.. هسه ديالله متكوليلي شطالبين امشي نختار فلم
منار.. اختارينا فلم ورحنا انسوي عشه جان الكل
مجتمع عالمائده ومن جا عمي فهد تخبل عليه يكمز
ويلعب وعمي هم كلش جان فرحان الله يديم فرحتهم
كملنا العشا نواشف كبه وكباب وباذنجان وخضراوات وطرشي وفلافل وفنكر وانا سويت سمبوسه وعمي
جايب نص دجاجه ونكلناهن عالمائده وكمنه نتعشى
كملنا ولملمنا المواعين جان اسد كلش تعبان اول
ماكمل صعد نام عاد الكل صعد نام وانا اخذت فهد هم
جان نعسان اكول مهاوي انت وين رح تنامين
مها.. تردين انت نامي عالجربايه وانا انام بالكاع
منار.. لا حبيبتي انا متعوده انام بالكاع بس اقصد
علمود فهودي
مها.. عادي تكدرين تنومي يمج
منار.. لا خاف ابو ميقبل ينام يمي نومي يمج انت هذا الحجي جان فهد نايم دنطيهيا جان يعيط وكام يبجي نوب جلب بيه وميقبل يحلني بسته يعمري حتى انا تعلمت عليه
مها.. شوفي حتى هو متعلق بيج وميقبل يحلج ههههه
منار.. بتسمت وكأنو هذا ابني ماعرف ليش احبه واتمنى ماتركه اخذته فرشت ونومته يمي كمت بدلت ملابسي اخذت من مها كالت ما مستعملته لأن اليوم ما كدرنا نروح حتى نشتري لبست هذا لأن بس انا ومها
وفهد 👇
وسهرنا انا ومها كملنا ولملمنا الخكوط وكمنا حتى انام نمت
و حطيت فهد بحضني ونومته على ايدي بوسته ونمت
اسد.. نمت كعدت عطشان نزلت اشرب مي تذكرت فهد اليوم ماشفته زين نسيت منار هم بل غرفه وفتحت الباب ودخلت باوعت بالكاع لكيت منار نايمه ب ملابس قصيره وفهد شابكها ونايمين نومتهم تخبل رحت حتى اخذه شلته وطلعنا من الغرفه بي رحيه عطر كلش طيبه من منار لأن شابكهه اشتميته ودخلنا نومته ونمت بصفه شو هذا خله وشبكني بسته اخذت قرار بعد ما اخلي يم منار بس هو يحبها رح اعوده وهي انا اعرف شلون اتصرف وياها نطيناها مجال كامت تتقرب من ابني حتى تاخذه مني ماحزرتي ست منار خليت ونمت
منار....
تصويييت للكاتبه (وٌردٍ آلَيَآسِمًيَنِ)
