اسد.. وكعت طلعت اركض عليهه يبنيه يبنيه ماكعدت
وخرت شعرها عن وجها جانت كلش حلوه بس وجها
عليه اثار ضرب شلتها ووديتها للمستشفى وصلت
بقيت اصيح اجوي حطيتها عل سديه وره نص ساعه
اقل تقريباً طلع الدكتور
الدكتور.. منو ويا المريضه
اسد.. انا دكتور شلون صارت
الدكتور.. حاليا احسن بس انتبهوا عليها وادويتها وقت بوقته انطوهيا
اسد. حاضر دكتور تشكرته وراح بقيت صافن معقوله تطلع موخوش ابنيه وانا بتليت فزيت من صفنتي على صوة الممرضه
الممرضه.. عفوا بس شتقرب للمريضه
اسد.. بقيت ساكت هسه انا بتليت عاد ماعرف شلون طلعت مني كلمة زوجتي طلبت اسوي اوراق الخروج سويتهن وطلبت اذن ادخللها دخلت لكيتها كاعده حجيت..
منار.. كعدت لكيت نفسي بل مستشفى طبت للمرضه مدري شسوت بل مغذي وطلعت التفتت هسه انا هنا من اطلع وين اروح سمعت صوة رجال دخل نفسه الي شفته من طلعت من بيت عمي دخل وكال
اسد.. مهنتي ك ضابط لازم اعرف شصار وياج وليش تمشين بل شارع وحدج بهذا شكلج ممكن اعرف شنو السبب
منار.. كلتله ماكو سبب جنت كلش خايفه ومتوتره هسه اذا اريد اطلع وين اروح صفن شويه وكال
اسد.. سئلتها كالت ماكو سبب شلون ماكو سبب صفنت عليها خايفه ومتوتره كلتلها شوفي انا ضابط رح احميج وعد بس لازم تحجين السبب و ليش انت بهذا الشكل وحدج بل شارع؟
منار.. كمت ابجي واشهك سولفتله كلشي بس هو احسه ما مقتنع كال
اسد.. سولفتلي صح انقهرت بس جان عندي شك بسط لان ياما وياما مراً عليه هيج سوالف انت انسان سرق منك فد شغله كتله يابه شفت منو اخذها رح يكلك لا ورح يكوم يسفط انا جنت بفلان مكان اسوي فلان شي
مارح تعرف شي غير من خلال الائدله خطرت بالي فد فكره كلتلهه تمام تحضري حتى نطلع سويت الاوراق
اخذاها وديتها البيتي قريب على بيت اهلي بل بصره اخذتها وصلنه كلتلها انزلي
منار.. صار الحجي الفوك👆
كلتله وين وليش انزل رجعني مانزل
اسد.. عاندتني عيطت عليها هاد نزلت الا بل عين الحمره
منار.. عيط عليه كلش خفت ونزلت وهو فتح الباب كال هذا بيتي اتأكد من شغلتج وارجع راح بقيت افتر حلو شكله جان بدايه مطبخ من المطبخ لصاله عل يمنه غرفه وحمام ودرج عل جهه اليسرى وفوك هم غرفتين جنت كلش جوعانه جانت اكو ثلاجه بل مطبخ طلعت منها اكل لكيت دجاج جاهز ومقبلات يشهي محد ماكل منه بس شكله جديد شعجب المهم ولكيت فواكه واكلت ورحت للغرفه ونمت.
اسد.. رجعت للبيت كلش تعبان وامي بقت تحجي ليش تأخرت وليش يمه والله شغل
ام اسد.. من يا يوم طول هلكد ضل بالي يمك يوم لا تتأخر بعد فدوه اروحلك وليدي
اسد. اسم الله عليج بعد روحي انت الغاليه تأمريني بعد بشي كلش تعبان
ام اسد.. سلامتك وليدي متريد غده
اسد.. الف عافيه يوم ماجوعان
وصعدت نمت من التعب ثاني يوم وصلني المعلومات عن البنيه نسيت اسمها و...
تصويت فدوه كلش داتعب ♥🥀🥀
