Chapter (78-1) -ငါးကလေးရဲ့ တိတ်တခိုး မျှော်လင့်ချက်
လီယွီ၏ခေါင်းတစ်ခုလုံး ဗလာဟင်းလင်းဖြစ်သွားသည်။
သောက်ခွေး...သူက ကျင်းဝမ်ရှေ့မှာ လူစင်စစ်ကနေ ငါးအသွင်ကို ပြန်ပြောင်းသွားတယ် ဟုတ်လား....
ဘယ်လိုလုပ်ရမလဲ...ဘယ်လိုလုပ်ရမလဲ.......
ကျင်းဝမ်ကိုသတိလစ်အောင် ရိုက်လိုက်ပြီး ဒါတွေက သူ အိပ်မက်မက်နေတာပါလို့ လိမ်ပြောရမလား...
ဟင့်အင်း...အဲ့ဒါ စိတ်ကူးတောင်ယဉ်မနေနဲ့။ လူအဖြစ်နဲ့တောင် ခွန်အားချင်းမယှဉ်နိုင်တာ။ ငါးနဲ့လူက ဘယ်လို ယှဉ်နိုင်မှာလဲ....
သူကြိုးစားပမ်းစား ဖုံးကွယ်ထားတာလေး ပေါ်သွားလို့ လီယွိက မြေကြီးအက်ကွဲပြီး သူ့ကို မြိုချသွားစေချင်တော့တယ်..
လီယွီသည် ငါးကန်ထဲသို့ ပြန်ခုန်ဆင်းရန်ပင် မေ့သွားကာ ပြုတ်ကျနေသော အဝတ်အစားများ အတွင်းတွင် တုန်လှုပ်ခြောက်ခြားကာ ခုန်နေခဲ့သည်။
သခင်လေးလီသည် ငါးဖြစ်ကြောင်း သိလိုက်ရတဲ့အချိန် ကျင်းဝမ်က ဘာလုပ်လိုက်မယ် ထင်သလဲ....
သခင်လေးလီဟာ ငါးကြင်းနတ်ဆိုးလို့ ချက်ချင်း ထင်ကောင်းထင်သွားနိုင်တယ်။ ရှေးခေတ်က လူတွေက နတ်ဆိုးတွေကို နှိမ်နင်းဖို့ မီးရှို့သတ်တဲ့နည်းကိုသုံးတယ်လို့ လီယွီ ကြားဖူးတယ်။
ငါ....ငါးကင်မဖြစ်ချင်ဘူး ဝူး...ဝူး....!
လီယွီသည် စိတ်ထဲကနေ မရပ်မနား အော်ဟစ်နေဖို့သာ တတ်နိုင်တော့သည်။
အခန်းထဲမှာ သူ့အပြင် ကျင်းဝမ် ရှိနေတယ်ဆိုတာ သူမေ့သွားပြီ။ စောစောက လီယွီကို မြှားနဲ့ပစ်ခဲ့တဲ့ လူသတ်သမား ရှိနေသေးတယ်ဆိုတာလည်း သူ မေ့သွားတယ်။ မူလက ဒီလူဟာ ဒဏ်ရာရပြီး ရုန်းရင်းဆန်ခတ်ဖြစ်နေတဲ့ အချိန် အိမ်ထဲကနေ ထွက်ပြေးလွတ်မြောက်ဖို့လုပ်ချင်ခဲ့တယ်။
လူစင်စစ်တစ်ဦးက အသက်ကို လုပ်ကြံခံရပြီးနောက် ငါး တစ်ကောင်အဖြစ်သို့ ပြောင်းလဲသွားသည့် မြင်ကွင်းကို မျက်စိရှေ့တွင် မြင်လိုက်ရသဖြင့် ထိုလူသည် စကားမပြောနိုင်လောက်အောင် အံ့သြ ဆွံ့အသွားကာ ထွက်ပြေးဖို့ပင် မေ့သွားခဲ့သည်။
YOU ARE READING
(Completed) အာဏာရှင်ဆိုးကြီးရဲ့ အချစ်တော်ငါး (MM translation)
Historical FictionGenre _ Historical, Romance, Comedy, Yaoi
