(Completed) အာဏာရှင်ဆိုးကြီးရဲ့ အချစ်တော်ငါး (MM translation)

Chapter (91-1) - ကလေးသုံးယောက်ကို စည်းရုံးခြင်း

Chapter (91-1) - ကလေးသုံးယောက်ကို စည်းရုံးခြင်း

ပေါင်းရိသည် မွေးကင်းစကလေးအဖြစ်သို့ ရုတ်တရက်ပြောင်းသွားသောကြောင့် လင်းယွီမှာ မီးဖွားဖို့ ဗိုက်နာနေပြီလို့ အစေခံများအား အသိပေးရုံမှတစ်ပါး ကျင်းဝမ်မှာ ရွေးချယ်စရာမရှိတော့ပေ။

ကြိုတင်ပြင်ဆင်ထားသည့် 'သားဖွားပေးဖို့လက်သည်'ကိုလည်း အိမ်ထဲသို့ ဖိတ်ခေါ်ခဲ့သည်။ ကျင်းဝမ်က ဘေးခန်းမှ ကိုယ်တိုင် စောင့်နေဆဲဖြစ်သည်။

လွန်ခဲ့သည့်ရက်အနည်းငယ်က ဝမ့်ရှီးတစ်ယောက် အခန်းအပြင်ဘက်ကနေ အာရုံစိုက်နေခဲ့သည်။ ကလေးငိုသံကို ရုတ်ခြည်းကြားလိုက်ရသောအခါ အလွန်ဝမ်းသာသွားသည်။ သို့သော်လည်း သခင်ငယ်လေးကို ကိုယ်တိုင် မတွေ့ရသေးလို့ အသည်းနှလုံးကို လက်သည်းနှင့်ကုတ်ခြစ်ခံရသည့်နှယ် ခံစားနေရစဉ် ကျင်းဝမ်က ကလေးတစ်ဦးကို ပွေ့ကာ ထွက်လာပြီးနောက်ထပ် ကလေးကျန်သေးသည်ဟု သတင်းပေးခဲ့သည်။

တခဏတာ အံ့သြသွားပြီးနောက် ဝမ့်ရှီးက ချက်ချင်းပင် စိတ်လှုပ်ရှားသွားသည်။ နောက်ပိုင်း သခင်လေးလီရဲ့ဗိုက်ဟာ ပုံမှန်ကိုယ်ဝန်ဆောင်အမျိုးသမီးထက် ပိုကြီးလာခဲ့သဖြင့် ဝမ့်ရှီးက ကလေးတစ်ယောက်ထက် ပိုနိုင်သည်ဟု မှန်းဆခဲ့သော်လည်း ကျင်းဝမ်က ဘယ်အချက်ကိုမှ ပေါ့ပေါ့ဆဆ မထုတ်ဖော်ချင်ခဲ့ပေ။ ဝမ့်ရှီးသာ ခန့်မှန်းရုံသာ တတ်နိုင်ပြီး ထိုသတင်းကို မဖြန့်ဝံ့ပေ။

ယခုတော့ ကလေးကအမွှာများဖြစ်ကြောင်း သိလိုက်ရသောအခါ ဝမ့်ရှီးသည် အလွန်ဝမ်းသာသွားပြီး ကလေးတွေ လျှောလျှောရှုရှုမွေးလာနိုင်ရန် မိုးနတ်မင်းထံ ချက်ချင်းဆုတောင်းလိုက်လေသည်။

အမွှာမွေးရတာ ပင်ပန်းလွန်းပြီး အန္တရာယ်များလွန်းတယ်လို့ ဆိုကြသဖြင့် ဝမ့်ရှီးသည် သခင်လေးလီနှင့် သခင်ငယ်လေးများအားလုံး ဘေးကင်းပြီး နေကောင်းလာရန် မျှော်လင့်ခဲ့သည်။

မွေးခန်းအပြင်ဘက်မှာ ဝမ့်ရှီးနဲ့ ကျွန်တွေ အားလုံးက စိတ်လှုပ်ရှားစွာ စောင့်နေကြပြီး မွေးခန်းထဲက မြင်ကွင်းက တစ်မျိုးဖြစ်နေသည်။