Mga liham na pahina ni Amanda

"Sindi"

Alas dose ng gabi

Di ko talaga mahanap ang paki,

Naupo sa isang tabi

Nag bukas ng pakete't nag sindi,

Bumuga sabay pikit

Biglang ngumiti't tumawa ng pilit,

Pinipilit humithit sabay

tapon ng dulong kinagat at pinitpit,

Nag tanong ng mga "bakit"

Sabay sinagot na may panlait,

Balbas sarado't di nag ahit

Kahit may lansetang di magamit,

Pipigilan kong magalit

At sige tuloy parin paulit ulit,

Sayang ninanakaw

Palihim na pilit paring inuumit,

Sabog na yata sa usok

Sana palaging masaya na lang,

Naiingit sa sira ulo at

Sa mga manhid at mga timang,

Kasi nga daw malamang na

mas maigi minsan ang mangmang,

Kaysa bilanggo na lang

Parati ng di malamang pagkahibang

Mahal kita oo

Pero bakit ako nag pipigil?,

Siguro nga Kahit

lihim ay patago akong sinisingil,

Lumayong walang

Bakas kundi mga tugma sa alapaap,

Simbulo ng pagibig ko sayo

na kikimkimin ko na lang sa'king hinagap.