Mga liham na pahina ni Amanda

Sa pagtalikod natin sa isa't isa

Kapag umabot na sa dulo

at tuluyan na talagang naglaho,

tila isang larawang itinabi

hinayaan at tuluyan nang nanlabo,

tila isang kantang tanda

Ang bawat liriko't tono at mga kataga,

ngunit di mo na maalala

kung san kaylan at sino ang may akda,

sa sandaling tatalikuran nyo na

Ang kung ano mang meron sa inyong dalawa,

unti-unti nyo na rin makakalimutan

kung pano nga ba yung nadama ninyong saya,

kung paano nga ba kayo'y pinakilig

ng mga sandaling akala nyo'y kayo na talaga,

unti unting manlalabo ang larawang

inukit ng alaalang di lubos akalaing mawawala,

at sa bawat pag lipas ng panahon

magagawa nyo na ring baliwalain ang isa't isa,

na daraan ang araw na mawawala

at hindi na mamamalayang ngumingiti ka na,

nasanay ka na yata at ganun din sya

na lakbayin ang araw ng ikaw na lang talaga,

nagagawa nyo nang di alalahanin

na para bang hindi kayo naging parte Ng saya.