Mga liham na pahina ni Amanda

Pa

Pa

Kamusta ka na?

Ako to Yung bunso mo,nalala mo pa ba?

Ok lang kami dito,

Simula nung umalis at tuluyan Kang nawala,

Si mama gabigabi

Ay Hindi.. araw araw syang umiiyak magisa,

Habang kami ni ate

Hinihintay Kung talagang babalik ka pa ba,

Pa nga palaMasarap pala Yung noodles na may malunggay,

Tas yung sardinas

Lalo Kung may mga dahon at talbos ng gulay,

Natamaan ng kidlat pala at

Biglang natumba yung puno sa harap Ng bahay,

Mahina na Yung kahoy

RUMUPOK daw Yung haligi Kasi biglang INANAY,

si ate nakikilaba

Dun sa bahay ng teacher nila tuwing sabado,

Ako naman sa bukid

Nakikipitas Ng sitaw, kalabasa tas minsan mungo,

Si mama nahihirapan

Kasi kaylangang mag tinda ng gulay at mag bukid,

Masakit din pala magpaa kasi

Yung tyenelas ko sira parin kasi kaylangang magtipid,

Balak pala namin ni ate

Mag tinda Ng sopas sa school para may pambaon,

Sabi ni mama konting

Tiis lang daw at pasasaan din at sa hirap makakaahon,

Muntik ko na pala masunog

Yung Kubo natin Kasi nakatulog ako bigla bigla sa lamesa,

Ayun bukod sa napagalitan

Pinalo din ako Kasi naubos lahat Yung gas Ng gasera,

Sabi ni mama sa pasko

Uuwi ka daw kaso pang limang taon na Wala ka parin,

Madalas nakikipasko

Na lang kami kila tita tas pag may handa nakikikain rin,

Sana ok ka lang pa

Miss ka na namin ni ate Kaya Sana umuwi ka na daw,

Madalas kaming nasa

Bintana Hanggang ngayon nag aabang at nakatanaw.