ومن غيري انكسر؟

الـبــّــــــارتَ _ 3 _

ابقى وياي تحله واحلى وياك.
العنب لــو وحدة مايتسمى عنڪَود

ابقـى لوحدك ڪلشي يبقى لـوحدة ينعز
صدگـك يسمـعـــون لــو وحـيد انـت لهلـلك

تناقـض شعر

الشاعر: حسين المطوري

ــــــــــــــــــــــــــــــــــــــــــــــــــــــــــــــــ♡

مشتعله نار بصدري وجع بكلبي اجرت تكسي وصعدت اخذني لمنتزه ******* بمنطقه*****

سهام: يمه فهد فدوه الحكها ترا هاي مريضه ومخبله لايصير بيها شي رئتين مالتها تعبانه فدوه روح انا مااكدر الحكها واعوف الجهال وخاف يجي احد من عمامها اخابرلها

فهد: صاار خاله هسه طالع وراها،
رحت جبت سويج السيارة وطلعت شفتها تمشي سريع وكفت تكسي وصعدت رحت وراها اتبعها بدون مااحسسها اخذني التفكير

ليش هلبنت غامضه وهيج
عصبيه
ومتتحمل وطك بسرعه صح انا عصبي وفول اعصاب بس ليش تحملت كلامها والحلو بيها مااجامل وتحجي طك بطك

البنت هاي غريبه وتصرفاتها بعد اغرب اخاف تطلع مثل ماافكر وعليمن اخاف اسجنها واعاقبها وتاخذ جزاتها موتني التفكير بيها وانا ماصارلي يوم من تعرفت عليها

واختلطت بيها وبمشاكلها افكر بغرابتها شفت تكسي طبكت كبال منتزه محد بيه نزلت ودخللت صفيت السيارة بعيد عنها ونزلت امشي وراها شفتها كعدت على مسطبه بين الشجر واديها على وجها وتبجي

كعدت وراها وراء مسطبتها مسطبه حاولت مااحسسها بوجودي بلكت يجيها اتصال لو تحجي وي نفسها واتأكد من شكوكي مميت على الدين اردة بس ميت حتى اعرف هل هي ارهابيه ام لا

لان تصرفاتها كلامها تهديداتها بالمعهد على عمامها وحجيها ويا صديقتها غريب ويأكد شكوكي كعدت واسمع صوت بجيها وشهكاتها

قمر: وصلت للمنتزه دورت مكان مابين احد ومحد يشوفني وكعدت على مسطبه وايدي على عيوني وابجي،

والله انا مو عصبيه والله مو عصبيه بسببهم صرت هيج والله انا تمنيت اعيش بهدوء وراحه بس هم اذوني هواي وصلوني لهل مرحله اااخخ ياريتك موجود وتشوف حبيبتك شسوة بيها الوكت

ليش كسرتني وخنتني معا اقرب صديقاتي ليش هيج سويت بيه وانا احبك ومانسيتك مرن سنتين كل يوم اذكرك وماناسيتك حتى لو ثواني مناسيتك

مشتاقتلك تعاال ارجع ولمني انا اطشرت وماعرفت الملم روحي ابوي كسرني كسرة جبيرة ماانسى اتهاماته وضلمه وضربه انا مااحب مرحله القوة الي وصلت الها

صرت قويه حيل لدرجه نعدم الاحساس والمشاعر عندي مايهمني اي شي والله ميهمني ارجع ولمني بحنيتك وحبك الي فراكك مو سهل ولااكدر انساك ولااتخطاك والله تعبت تعبت