ومن غيري انڪسر؟
بقلمي: زهراء المحمداويـة
اللقب: زيــري
وانا بروحي
حزن ديـرة
وملامح خوف
وحرب جذبة
وحلم تايه ونهر ثالث حفر خدي
غريب بگاع متلمني
چـم ليلة اذب دموعي
على المامش ولا ادري
قرائــه ممـتـعــــــة
بسـﻤ الله الرحمـٰن الـرحيـﻤ
°•°•°•°•°•°•°•°•°•°•°•°•°•°•°•°•°•°•°•°• ♡
قمر: گاعده باليل الجو بي نسمه بروده لبست بالوزتي وطلعت اتمشى بالحديقه الي بالفندق هدوء واضواء خفيفه ونسمات هواء بارده تلامس خصلات شعري شردت بالتفكير ليش اني وحدي؟ وليش فهد رجع؟ شنو الصار وهيج فجأه كلشي تغير؟
استرجعت ذاكرتي لموقف بيني وبين فهد كاعدين اني وفهد وكال
فهد: اني مستحيل اعوفج وحدچ
قمر: واذا اجه يوم وعفتني؟
فهد: مستحيل مايفرقنه بس الموت
قمر: واذا الموت اجه وفرقنه
فهد: اموت وراج
صفنت بوجهه وهو اردف
فهد: ليش صافنه؟
قمر: معقوله لهدرجه تحبني؟
فهد: واكثر بعد ، انا مو من النوع الي اعرف اعبر بي عـن حبي ومشاعري لكن اكو هوايـة حـُب بداخلي الج ، وهوايـة احبچ ، من يوم الشفتج صح جنت غلطان بفهمي الج بس من دخلت لحياتج وعرفت انتي شنو وعرفت ماضيج وحاضرج ، وشاركتج بهواي شغلات ، عرفت انتِ انسانه تستاهلين الحُب تستاهلين الخير ، مو لان احبج دااكول هيج لنفترض انو اني ما احبج بس اني اكول انتِ بسبب الضروف الصارت وياج وبكلشي مريتي بي وانتِ تجاوزتي كل هاذ بـ قوه وماضعفتي وماطلبتي مساعده من احد ولاشكيتي فـ انا
اشوفج امرأه قويهَ انتي تستاهلين تصيرين أم لأطفالي انتي تستاهلين الحب والاهتمام والدلال على گل التعب الي تعبتي چنتي تشتغلين ليل ونهار علمود امج وتعرفين امج شنو سوت وشلون نكرت جنتي تتحملين عقابات صباح وضربه وتعنيفه الچ جنتي تتحملين لخاطر امج وبعدها من خلصتي من صباح تحملتي الدراسه والشغل وتحملتي الصرف والاعتماد وشايله مسؤليه اخوانج كلهُ علمود امج واخوانج
لليوم ماكو اي بنيه هيج تسوي نادرات الي مثلج كلش وبغض النضر علـىٰ الحجي الي طلع عنج بين الاقارب وكله انتِ ماهتميتيله ولا اهتزيتي ولا كأنما احد حاجي عليج حبيت عدم اهتمامج لحجي الناس حبيت انُ انتِ تهتمين لنفسج فقط ماتهتمين لحجي الناس
عكدت حاجبي بأستغراب واردفت بمكر
قمر: زين معقوله بس هذني الشغلات الي جذبتك بيه؟
فهد: لأ مو بس هذني ذني الشغلات أولويات هذني المهمات بس الي حبيته وانا كدرت أوصله محد كدر يوصله عرفت انُ انتِ انسانه من الخارج صلبه قاسيه اما من الداخل حنونه طيبه تحبين الخير للناس اكثر ماتحبين الخير لنفسج بس مابينتي هاذا الشي ابداً ماتبينين انُ انتِ حنونه او انتي طيبه حتى محد يستغل حنيتج وطيبتج ضدج كـسلاح
أنت تقرأ
ومن غيري انكسر؟
De Todoالليل اصبح مهربي من ضوضاء المدينه وعائلتي، والفجر اصبح هدوئي مع الرياح الشتائيه، لم انسى أي ذكرىٰ كـانت في قلبي وعقلي، ڪاد الشتاء بالسير نحوي وبهِ جميع ذكرياتي الرياح والبرد القارص وقطرات المطر الصغيرة التي تلامس وجنتاي بهدوء وللطافه، نسمه رياح...
