فصليتي متمردة «مكتملة»

البارت 1

فصليتي متمردة قصة حقيقية .....البارت الاول

باوعت لسگف واني ابتسم كل يوم جديد بالنسبة الي يعني بداية جديدة... بداية فرح وسعادة بداية لفرص جديدة واحلام ناس كل أملهم انها تحقق شي يوم...

كعدة واني امطط بجسمي... باوعت لساعة.. يلة الحمد الله بعد وگت يعني بعد ما متأخرة

رحت ع الكونتور طلعت ملابس المدرسة مالتي
تحمت لبستهم مشطت شعري وسويته ظفيرة شعري كلش يتعبني الان طوله يتعدى الركبة وهم خصلات شعري كثيرة يعني شعري مو طويل وقليل خلصت
كلشي

وصرت اباوعل لنفسي بالمراية
جان عندي شعر اشقر وعيون زرقاء مثل لون السما وواسعة... بشرتي بيضة مثل بياض الثلج...

ابتسمت ابتسامة ثقة خلت غمازاتي يظهرو... يمة شكد حلوة اني اخبل.. فعلاا أسم على مسة قمر ههههه

ضليت اضحك وية نفسي ماكو احد يمدح نفسها بهذا العالم كد ما اني اسوي.. مواااه... رميت بوسة لصورتي بالمراية.. اخذت جنطي ونزلت...

شفت ماما وبابا كاعدين ديتريكون...

- صباح الخير ع احلى ماما وبابا بالعالم...

اقتربت من ماما وبستها بخدها بتسمت وكالت صباح النور بيانور حياتي

أقتربت ماما بابا وبسته هم هو كال صباح الوردة ع وردت حياتي...

- انتو حياتي وعمري ربي يحفظكك الية..

ماما: كعدي بنيتي تريكي..
كعدة بيناتهم وكمت آكل ... وماما ضلت تكلي اكلي وتحط اكل كدامي وأني ارفض

- ماما عليج الله لاتحطين بعد ماكدر آكل كل هذاا

- أكلي ولج بنتين صرتي لحم على عظم أكلي احسن لايصيرلج شيء بالمدرسة لاقدر الله من ورة استهتار بنفسج وقلة أكلج

- ماما انتي تعرفين مااحب كثرة الاكل أحب بس الحلويات والشوكولاتا خصوصا النوتيلا يمييي...

- اي مو هاي النوتيلا هي الي خلتني صفرة وماكو نقطة دم بيج

- شنو هذاا الكلام اول مرة اسمع بيه .. شلون أكدر احجي وأعيش واني ماكو دم بية ؟ شلون ماجابلنا استاذ الفيزياء هيجي درس مهم ... آخ منك يالحبيب الخبيث الحسود ال....

- انجبي وكعدي راحة .. تتمسخرين ين علية أني امج ولج ...

- منو كال اتمسخر عليج .. مو انتي حياتي وكلبي وعمري وروحي .. بس تدرين هذاا استاذ الفيزياء مطلع الضغط عندي

- والله اني مستغربة هذاا استاذ الفيزياء شلون لهسة عايش وماطلعتيله انتي الظغط وموتيه بسوالفج الطايح حضها

- بابا شوف ماما شنو تكول عني ترة اني كلش طيوبة وفقيرة مايستحق هيجي حجي ..

- شهد عوفي بنتي براحتها تسوي الي تريده مو تكولين عليها هيج ... ترة هاي بذرة حبنا ...