فصليتي متمردة «مكتملة»

البارت 7

البارت السابع.. قصة فصليتي متمردة.. حقيقية

بقلم اميمة قطب

باوعتله وگلت:

-: جيبه... خذيته من ايده وضليت اهوس بي
وهو باوعلي بصدمة.. اني مهتميت وضليت اهوس بي واركص.. اقتربت منه وهمست.. :

- شكو شيخ نمر باين تنك مصدوم؟.. مو كتلك انو اني ماكو احد يكدر يدمرني او يكسرني... اني قمر والف واحد يتمناني مفكر انو راح ضل سجينك تؤ تؤ تؤ.. راح يجي يوم واتحرر من سجنك واعوفك هون وية هاي الزريكة خلي تفيدك وجه المطي..

خزرني وأني ابتسمت ولا هتميت اله وضليت اهوس

اجتي نغم و لزمتني من زندي وجرتني الها وهي دكول..

- ولج كافي فضحتينا.. الي يشوفج يكول هاي جانت مسجون بابو غريب وهسة يلا تحررت منه.. شبيج انتي ماتكدرين تمثلين شوية حزن ع شيخ

سحبت ايدي منها وكلت:

- وليش حتى امثل الحزن تريديني اسوي نفسي ضايجة ومكسورة علمود هذاا المغرور وهاي الزريكة يتشمتو بية... لا حبيبتي ماراح اسوي هيج... ويلة عوفيني بحالي

- مخبلة والله

- ديلة ولي مني

كلتها وكملت هوس

خلص العرس مالته.. واني رحت ع غرفتي تحممت بدل ملابسي وحطيتراسي ع المخدة

اجة براسي سآلة.. ياترى شنو ديسوون هسة؟ معقولة حاطة راسها ع صدره ونايمة بحضنه؟؟... آخخخخ منك ينوبمر الخبيث.. عوفيهم قمر خلي يولون عسى مايشتعلون... وارتاح منهم

لفيت نفسي بالبطانية ونمت

ثاني يوم العرس كعدت اني قبل الكل ودخلت سبحت وبدلت لبست فستان مخصر من الخصر ومن جوه بي فتحه من اليمنه وفتحه من اليسره وبي مثل الحزام مطرز اكرستال يعني شكله حلو مشطت سويت شعري ضفيره فرنسيه بس شنوو كوه صار ولبست كلاده ذهب بيه اسم قمر مرصع بالكرستال
ومحبس نازك حلو هم ذهب وتراجي يصيرن عباره عن سناسل بس حلوات كيوت ذهب
جابهن بابا الي
ولبست حجل كوله يرن رن لان عباره عن خراخيش بس هماتين ذهب

وسوار ذهب بي فراشات حلوو نازك
وخليت مكياج خفيف وخليت عطر ونزلت

شفته الساعه ب8
رحت سويت ريوك اجبان ومدري شنوو وخليت الجاي ع نار

وكعدت عمتي ام نمر والحجيه ونغم
شافني ضلن صافنات
اني ضحكت وكتلهن

- صباحوو ياعسل انتن
ما حسلج وطلع نمر وهاي الزركه ويا
اجه كال:

- صباح الخير شافني ضل فاتح حلكه وضل صافن اني مهتميت مشيت من كدامه وكتله:

-صباح الخير يا عريسنا سويتلكم احلا ريوك

اجت هاي الزركه كالت:

- يلا يالفصليه تعرفين شغلج وسويتي ريوك النه