فصليتي متمردة «مكتملة»

البارت 5

قصة فصليتي متمردة... حقيقية

بقلمي أميمة / قطب
البارت الخامس

قمر....

خابرته نغم وجاوبه كللهه اليوم اجي بليل لان نمر حيطلع للناصريه عنده فصل

وكعدناننتظره
صار اليل واجه

اني رحت ركض وصعدت لنمر

فتحت البارت بسرعة و فتت... واشوفه نازع دشداشته ودي يلبس ملابسه اني شفت صدره مادري شصار بية ... شهكت ودرت وجهي بسرعة واني حاطة ايدية ع وجهي...

اجاني صوته من ورة

- انتي شنو ماتعرفين تدگين الباب قبل لاتفوتين

حجيت واني حاطة ايدي ع عيوني ومنطيته ظهري

- وانتة شنو ماتعرف تبدل ملابسك غير بالبيت؟

- طبعاا بالبيت قابل وين ابدلهم بالشارع مثلاا؟.. شتحجين انتي من كل عقلج

ضرت ع كصتي وكلت:

- غير عقلي ونيتي خربو من وراك

سمعته ضحك وكال:

- يلة خلصت يام نيات والعقل الخربانين ... انطيني وجهج

ضليت مثل ماأني وكلت:

- ماالتفت

- ليش؟

- لان.. منو كال مدا جذب علية...

- ولج شنو هاي الجذب علية شايفاني زعطوط وتحاجيني هيج...

يمة هو كال هيج واني مااعرف شصار بية صرت اخربط بالحجي

- اؤ اي.. اقصد لالا شنو زعطوط.. حشاك..

- انجبي ولج

باوعتله وكلت :

- شيخ ترة ماقصد وحق نعالتي بس انتة طولت وياي لسان واني جفصت بالحجي... مااقصد وحق نعالتي

اني كلت هيج وما احس الا اقترب مني وحصرني بالباب... اباوعله وجهه صار قريب كل من وجهي...

وانفاسه ختلطت وية انفاسي.. جان يكول..

- شنو هاي وحق نعال ولج.. وشلون تكليلي إنة شيخ اني طولت لساني وياج.. ولج انتي زقجة بس لسانج واصل السكف

- كول ماشاء الله ياشيخ ترة انتة شيخ وما حلو عليك تتعين بالناس الثانية وبعدين لساني هو موهبتي الوحيدة بالحياة مالازم تعيب عليها هذاا شيء افتخر بيه ترة

- وشني الي يخليج تفتخرين بطول لسانج؟

ابتسمت وكلت بثقة:

- لان اكدر اقصف بيه اشخاص يستحقون القصف

-ولج هاي لتكون علية..؟ اكتلج والله

ضحكت
- ههههه أني كلت اشخاص يستحقون القصف ليش انتة حاسس انك تستحقه؟