فصليتي متمردة «مكتملة»

البارت 16

وخرت منه لگيته صافن بية...

- شبيك؟

- خرب ولج شسويتي بية انتي؟  ولج شنو راح يكولون علية هسه من يشوفون الآثار

هزيت كتافي وگلت

- عادي..  زوجي  وملكي وبكيفي

- آخخخ..  ولج  شسويتي بية..  اني الشيخ نمر بهاي شيباتي اعشگلي وحدة زقجة ونوب قوية ومتردة..

ضحكت عليه وكتله..

- ومن تزوجت الزركة صرت متمردة وقوية اكثر وأكثر

اقترب مني حيل وهمس..

- ولج ابشرج أنه ماراح اخلي الاسد يجي من غيرج  وكولي الشيخ نمر كال..

باوعتله ومحجيت شي وهو.. طلع

مرة الايام عادية.. 

وبيوم كاعدة..  لازمة موبايلي دااباوع ع تيك توك من الملل..  ومااحس الا نفتح الباب باوعت لگيته هو..  فات گال

- هاا حبيبتي  الله يساعدج

ابتسمتله ومحجيت شي ورجعت باوعت للموبايل.. 

حسيتبي تقرب مني وكعدة يمي ع الجرباية قريب مني حيل..  عبالك يريد  يلزك بية..

باوعتله لگيته يباوعلي بنظرات غريبة رفعتله حاجبي وگلت...

- هاا شبييك خير؟؟

- هاا

- شنو هاا؟  ليش تباوعلي هيج

قترب مني حيل.  ومااحس الا صار فوكاي..

- وخر وخر شبيك؟

- يويو والله ميت عليج وانتي ولامنطيتيني مجال كلما اقرب تكوليلي وخر ترة گلبي تعب منج اريدج ولج

-  مو تزوجت زريكة يلا روح لعندها تلكاهة هسة منتظرتك بفارغ الصبر

- يولو اكولج اريدج شنو الجاب طاري الزريكة هسة؟

مو تزوجتها علمود تحرك گلبي يلة روح عندها..  مو قمر الي ترخص نفسها عند شهواتك.. 

مادري ليش گلت هيج..  يمكن ماجان لازم اكول هيج الان ماكو داعي بس اني كلت هيج  من حركة گلبي..  لهة ماكادرة انسة انه تزوج علية وجاب هاي الزريكة..  كرامتي ماتسمحلي اخليه يلمسني وزريكة تشاركني بيه  ..  ماااكدر

لزمني من كتافي وكال

- يولو شبيج انتي تخبلتي كلما اقترب منج تكوليلي شهوتك..  ولج اني احبج..  احبجججججج....

لو جان الموضوع مجرد شهوة اني اكدر اتزوج اية مرة و أخذها..  او اروح لمرتي اساور..  بس اني اجيتتج الان احبببج..  ومتحرك بنار حبج وربي يعلم ماكادر افكر طول الوقت غير بيج حتى من اكون يم اساور ماأفكر بيها..  ربي يعلم انو دائما من اقترب منها أتخيلها انتي..  صوتج وصورتج ماتطلع من بالي طول الوقت..  انتي محفورة بداخلي..  أحبججج ولج اموت ع الخلفوج