فصليتي متمردة «مكتملة»

البارت 2

البارت الثاني.. من قصة فصليتي متمردة....

اجه وكف يمي ....جان حجت الحجيه :

- يمه أللهم صلي وسلم على نبينا محمد وآل محمد
تخبلون يمه لايكين سوه

اني ضحكت جان دكلي..:

- شبيج يمه بس اضحكين ...كتله :

-لا بيبي ماكو شي جان نويمر يخزرني واني خزرته وكملت حجي

- بس حبيتج دمج خفيف... جان حجت وكلتلي

- روحي حبوبه جنطج صعدتتهن فوك روحي ارتاحي وبدلي هل مشكك الابسته شني السالفه اهلج ماعدهم؟

-ياا بيبي شبيج غير موديل

- يامودل هذاا الي يشوف ملابسج يكول هاي آخذين البزازين عشاها وضالة طول الليل تتضارب وياهم

- هههههه أي فعلا أكو بزون هون باين أنه ماراح يعوفني سليمة .. الا لمن يكملها لاستاذ الفيزياء وتكمل وية نويمر واصير مجنونة رسميا...

- هاا بنتي كلتي شيء

-هاا ولا شيء ماكلت شيء بيبي.. أروح أبدل أني

صعدة فوق دا اسد بالباب وأندفع عليه بقوة

يمةة أني رجعت لورة لائراديا... ضخامته وطوله وملامحه الرجولية والسرعة الي فات بيها وراي بدون مانتبه جانت كافية تخليني أخاف للحظة

باوعلي بعيونه الحادة وجان يحجي بنبرة رجولية خشنة..

- انتي هي شوفي تره انه ماراح اعتبرج لا مرتي ولا اعترف بيج حالج حال الخدم وتنامين بالمخزن الي يم الغرفه.. مفهوووم

باوعت عليه رفعت تك حاجب وكلت.. :

-من عيوني

هو نصدم وضل بس يباوع... بعدها باوعلي بحدة أكبر وكلي..:

- هذاا لبسج ممنوع تلبسينه بعد

-أمم عود افكر....

باوعلي بغضب كال...
-موهو بكيفج

- أي والله

مسح كف ايده ع وجهه وكال
- استغفر الله العظيم ... صبرك ياروح

كالها وطلع وأني ضليت اضحك عليه

بدلت ملابسي ولبست تراك اسود وية كلمة Google

قصير لان كالو عيب هستوه ميت ابنهم....

كعدة يم البنات والحجية بس تحجي عليهم وأني أحجي

جان تجي وحدة زريكة دفعتني دفعة ودكلي :

- كحبة ساقطة راح كله من وراج...

أني من ضربتني كضيت ايدها ولويتها وكتلها :
-ايدج اكسرها اذاا مديتيها علية

كملت...وبعدين هو منو راح؟ نمر؟..اخذيه الج ماريده