فصليتي متمردة «مكتملة»

بارت مفاجاة 😍

قمر: نمر

باوعت عليه متسطح ع الجرباية مغمض عيونه بس اعرف مو نايم
- همم

- كوم يلا كووم

- أخخ تعبان عوفيني

- نمرررر.. كوووم

- شبيج شتريدين

- أني جوعانة

- شوو انتي تريدين تاكليني؟

- جا ليش تحاجيني هيج بس الان كتلك جوعانا عاد لوكلتلك ميت جوع هم شتسويلي

يولو مو من شوية تعشينا واستلمتي الاكل اكس ومربع.. ماشاء الله ماخليتي شيء حتى صحنج مال الاكل صار ابيض يلمع أكثر من حياتي

- جاا أنتة دة تحاسبني ع اللگمة ماكنت اعرف انك واحد بخيل

- يولو احترمي نفسج شنو كاعدة تكولين لاتخربطين بالحجي ولج اكتلج والله

- يلا يلا هذا الحجي ماينقع معاي.. كوم جيب اكل يلا شاطر بس تحبل.. يلاا كوووم

- ولج تخبلتي.. لاصدك هذاا من ورة هرمونات الحمل

- غير من وراك. مسويني آلة مال اطفال كلما اولد تحبلني شو شايب ومتكعد هم...

- ولج انلمصي لا حلگج هذاا اذاا فتحتي بهيج كلام والله اجنسج

- هسه راح تجيب اكل لولا

ماهتم لكلامي.. ودار وجهه ونام ع جانب السرير.. هاا هيج جاا واللهي الليلة مااخليك تنام ينويمر الخبيث

نصيت صوتي وگلت بزعل وببرائة

- شلون من گلب عندك انتة.. شلون تكدر تنام ببساطة وراحة وعايف بنتك تموت جوع ببطني..

حجة وهو لسة داير وجهه

- شسويلها اذاا لحم شاة كاملة اكلته ومع هيج لهسة جوعانة وما شبعت تريدين اجيبلها لحم خنزير يعني ..

- شنو لحم خنزير.. استغفر الله.. كل القصة أنو البيبي ماحبت الاكل والدكتورة كالتلي من يومين بالفحص الاخير انو اني دخلت بشهري الاخير للولادة ولازم إكل بس الاشياء الي حبتها الطفلة علمود تولد بسلامة ومايصير عندها ضرر او مشملة بالولادة

رفع نفسه وكعد باوعلي رفع حاجبه وكال بابتسامة مستهزءة :

- والدكتورة ماكالتلج هذا الحجي غير عند البيبي السادس؟

- أ مم.. ا.. اي.. اقصد.. لا.. هي يعني.. هي ماولدتني قبل هاي جديدة ودة كول هاي لبنية حساسة فلهيج گلت أأ..

ضحك وگال بستهزاء:

- من كل عقلج هاي حجة؟

- انتة دستهزء بيه؟

عافني وأجة ع جانب الجرباية گلتله بغيظ

- شكد حقير

- انجبي ولج