فصليتي متمردة «مكتملة»

البارت 9

البارت التاسع.. فصليتي متمردة

بقلم / أميمة قطب

كعدت الصبح راسي موتني من الالم لكيت روحي بحضن نمر حاضني ومخلي وجهه بشعري

باوعتله.. هذاا شبيه؟ تخبل شلون يتجرء يحضني هيج... اووف يمةة شكد ثقيل.. بس صراحة.. يجنن فديتو نويمري..

احجي وية نفسي وجان حسيت بي تحرك شوية.. فزيت وردت اكوم وكتله:

- نمر كوووم.. اويلي شكد ثقيل انتة كوم متتت

رفع راسه باوعلي ابتسم وگال.. صباح الخير اسيرة گلبي

حطيت ايدي ع راسي مكان الضربة وگلت:

- ياخير هذاا ياخير وآنة بايتة اتلوة من الام مادري يا كو... ضربني الله لايجازي بس آخخخ يمةة

- ياشبيج اكو شيء يوجعج؟

باوعتله بحلك مفتوح وگلت.. :

-لاياحبيبي وعمري... ماكو شيء بية مدا تشوفني من صباحات الله واني اغرد مثل الطير المذبوح ع وجع راسي وانتة تسئلني اذاا اكو شي وجعني

- وجع ليش تحاجيني هيج

- غير من وراك ليش تسالني هيج سآل صرلي ساعة اكولك راسي مضروب ويوجعني تجي تسالني أذاا متوجعة

- ولج غير تردين باسلوب لائق ولج اني شيخ نمر

- لائق؟ شنو لائق؟ لاحبيبي اني مو مزقبة وافهم هيجي كلمات

- يويو شنو هاي مزقبة هي مثقفة مو مزقبة

- لا هي فعلاا مزقبة بس انتو المزقبين ماتعرفون الاسم الحقيقي الها...

- ولج منو گالج هيج معلومة بالله كوليلي الة اجرم بي شنو مزقبة

- أني.. هاي الكلمة موجودة بالقاموس الخاص بقمر علاء الدين.. بس ليش تجرم بية ترة انتة لغتك الفصحى.. طايح حضها... تخلي العربية الفصحى في خطر..

- أنجبي ولج شنو الكاعدة تكولينه .. قسما بالله اذاا سمعتج تكولينها مرة ثانية وخصوصا كدام احد أسويج جنازة واللهي.. جا مرة الشيخ نمر تكول لمثقفة مزقبة.. غير من ورة كلامك هذاا راح تصير فجعة باللغة العربية

- تدري كلامك هذاا جان كله واعي ومزق.. قصدي مثقف. كلتها من شفته خزرني وكلت.. بس هم كلش زاد الم الضربة إخخخ

-بعده يوجعج؟ اشو خلي اشوف...

ضحكت علي كتله..

- شبيك اوكف بس البارحه مدري منوو ضربني براسي واغمه عليه

- اهاا... واني حسبالي نايمه... ياهوو الضربج ما شفتي؟

-شنوو ياهوو كو** منوو شبيك

باوعلي ابتسم وگال
-أنه شروكي

- هاي المنوو

- الج مخليه.. انه شروكي بكلشي. صدوك وبالعشك صادك ومخبل عشك شروك ماكو منه