#قلب_من_حجر4
تسو الترهوني..❤️
صباح يوم جديد واحداث جديد
بعد مرور أيام
اختصرت اسبوع العرس زي اي عرس ليبي...
في غرفة العروس..
فرح لابسة (فيلو بسيط مع تسريحه شعر المفتوح مزين بتاج ملكي بسيط ..
وكان الميكب ترابي مع هيلايتر بارز ملامح وجهة ناعمة مع روج عنابي ..
كانت القاعة مشتركة يعني المعزومين من اقارب ومعارف اهل فرح وجيران ومعارف زياد ومن هل معزيم كانت سهام عمت فرح عندها بنتين و ولد اريج وريتاج واحمد...
سهام و اريج و ريتاج مقعمزين على نفس طاولة
اريج:شوفو امها كيف فرحانة
سهام:اكيد بتفرح مش عرس بنتها مش زيكم
ريتاج:ونبي ياام اصلآ احمد كلمني قال يلي متجوزها شيباني في 60
سهام:واحمد من قاله!!
ريتاج:مش عارف؟
سهام:خوك يخرط معقولة شيباني وامها فرحنة هكي
اريج:اصبرو شوية وتشوفوه
ريتاج:خلي نمشي نشوف فرح
في غرفة العروس
كانت فرح واقفة قدام المرايا حتى تشوف شكلها للمرة الاخيرة
فتحت ريتاج لباب بدون ماتاخد إذن
ريتاج:اهلآ اهلآ
فرح: تكلمت بابتسامة عريضة مستفزة وهى تشوف لي ريتاج من المرايا(اهلين ب بنت عمتو)
ريتاج:يلي يشوف ابتسامتك يقولو واخده ولد لعشرين
فرح:خيرك مستعجلة تشوفي شكله
ريتاج:نحس فيه بيهرب ويخليك
فرح:ونبي خلي احساسك يعرف كيف شكل لبدله يلي لابسها😂
طلعت ريتاج زي البركان من فرح واسلوبها صح فرح كانت جامدة يعني بينها وبين نفسها لا عارفة تفرح لا تزعل لاتضحك لاتبكي ..كانت حايرة كيف تتصرف بس كانت موضحة لجميع انها اسعد انسانة في الحياة
=بصراحة اني تعجبني شخصية القوية يلي تبتسم حتى في ضعفها لان اول ماتبتسمي حيختفى ضعف بالقوة ...
...✨✨
مقتبسة"قوية بقدر ماهى رقيقة،هذا نوع من تناقض حالة جميلة ونادرة"
________
تسو الترهوني..❤️
في القاعة
كانت تغريد وامال وسحر وعبير مقعمزين على نفس طاولة بصفة انهم جيران زياد وماحبوش يردو عزومته وهم يعرفو ان ماعنداش عيلة توقف جنبه في يوم عرسه..
سحر:شن القراية معاك
تغريد:كويسة بس عندي صعوبة في الكيمياء
سحر:تعالي اني نقريك
تغريد: تفهمي في الكيمياء
سحر:اي
تغريد:خلاص
سحر:حسيتك هادية وماتحكيش هلبا
تغريد:اي☺️
عبير شبحت لي سحر وتغريد وقالت
عبير:تغريد اعطي شوية من سكوتك لسحر بنتي
سحر:خيرني ياام
عبير:شى غير انتي وراديو من نفس لفصيلة
تشاركو ضحكة مع بعض تواني وكل واحد خطر على باله شى خلاه يسرح وملامح وجهة
تتغير
عبير_تفكر في سحر ومراد وكيف يكملو حياتهم وكيف بوهم خلاهم وتجوز وعاش حياته
سحر_مكانش تفكيرها بعيد على امها كانت تفكر في بوها وهل عنده صغار غيرهم او لا وكيف طريقة تعامله معاهم
(الالم الذي يبدأ من العائلة، لاينتهى أبدآ"🥀
أنت تقرأ
قلب من حجر(ليبية_منقولة)
Short Story- لن اتوقف عن ﮼حبك،أعدك♡. - 𝒊 𝒘𝒊𝒍𝒍 𝒏𝒆𝒗𝒆𝒓 𝒔𝒕𝒐𝒑 𝒍𝒐𝒗𝒊𝒏𝒈 𝒚𝒐𝒖, 𝒊 𝒑𝒓𝒐𝒎𝒊𝒔𝒆♡. ﮼قلب،من،حجر🪨🫀. الكاتبة: ﮼تسو،الترهوني🫀😮💨. 1³حلقة🪄🫀. ﮼قراء،ممتعة🫀😔.
