#قلب_من_حجر6
تسو الترهوني..❤️
وصل زياد وكان واقف جنب سيارة
تغريد:فرح زياد وصل
فرح:به هى تعالي نروح بيك في طريقي
تغريد:لا لا لباص يستنى
طلعت فرح ومعاها تغريد ..
تغريد:مش اتجيني بعدين
فرح:خلي نشوف زياد مرات يقول لا
تغريد:تمام
ركبت فرح سيارة ..
زياد:تغريد تمشي في لباص
فرح:اي
زياد:معنها حتى انتي امشي وروحي معاها
فرح:علاش
زياد:اني مش ديما فاضيلك وبعدين جو صقع ومطر
فرح جت بتقول لا بعدين اذكرت ان رهف وباقي لبنات يركبو معاها في لباص..
فرح:به بنقولك
زياد:شن
فرح:عادي ترفعني ليوم لتغريد
زياد:مش فاضي
فرح:عندك مشوار لعشية
زياد:وانتي شن دخلك
سكتت فرح وهى تغلي من تعامل زياد معاها..🔥
_________
سحر كانت واقفة في روشن وتتفرج على قطرات المطر يلي نازله على زجاج روشن وشادة في يدها كوب قهوة ...
طق طق
سحر:تفضل
عبير:تعالي بووو
سحر:امي بشوية خيرك
عبير كانت تعبير وجهة مش مفهومة كانت خايفة من رد فعل سحر و مراد إتجاه بوهم ومرت بوهم يلي كانو مقعمزين في صالة
عبير:تعالي بوك ومرت بوك في صاله..
سحر:شني!؟😳
مشت سحر بخطوات مهزوزه وكإن زمن وقف في وقتها صووت امها يرن في ودنها وصلت سحر لباب صاله وكانت تسمع في صوت بوها ومرت بوها خشت وهى مصدومة حتى تزيد صدمتها وتشوف بنت مقعمزة جنب بوها شكلها يوحى ان قريبة ليها في لعمر ...
فرج:كيف حالك سحر
سحر:قصدك مذكر اسمي
فرج:ههههه من صغرك وانتي دمك خفيف
قعمزت سحر مقابلة فرج ومرته (ريما)وبنته(سمر)..
سحر تشبحلهم وعلى وشك تنزل دمعتها بس مع هذا هى في طبيعتها تبكي في دارها لما تكون بروحها...
عبير:نجيب عصير ونجي
سحر:بحزم(خليك مامتي اني نجيب ضيافة لضيووف)
ريما شافت لسمر وفرج وكان تغلي وسمر تغلي اكثر منها...
مشت سحر في لمح لبصر وجابت معاها عصير 🍹طبيعي وشكلاطه🍫سحر بعد ما ضيفت ضيافة ولت قعمزت في مكانها ونطقت..
سحر:معرفتناش بــ
فرج:اا اي هاذي ريما وهاذي سمر بنتي اصغر منك بسنة
سحر:اي واضح
فرج:سميتها سمر على خاطر الاسم قريب من اسمك
سحر:فيك لخير والله
فرج:وين مراد
سحر:في لخدمة ساعة تانية ويجي
ريما:ربي يعاونه
سحر:بدون ماتشبحلها(ربي يعاونة جميعآ)
حتى تشوف سمر لريما وعلامت لغرور على وجهة
سمر:سحر انتي شن تقري
سحر:هندسة بس موقفة قيدي
سمر:علاش موقفة
سحر:اي وانتي شن تقري
سمر:اني قانون
سحر:كويس مرات على وجهك يمشي لقانون في لبلاد ولا شن رايك يااا بوي
فرج:اي اكيد سمر شااطره وتقدر عليه
شبحت سمر لسحر وهى مبتسمة...
سحر:اي لمهم يكون الانسان مع الحق ويخاف ربي..
فرج: اي اكيد...
عبير كانت ساكته وكإن مش جنبهم وعقلها شاارد ويفكر وهى تشوف لريما وتقارن في روحها
عبير كانت حاطة روحها في خانة المقارنة مع ريما مع ان ريما في مستوى لجمال اقل منها وفي لعمر قريبة ليهاومهما كانت عبير مميزة على ريما واحسن منها في هلبا حاجات ...مافيش شى يمنع المقارنة مداما فرج اختار او نقولو فضل ريما على عبير وصغارها 💔..
___________
تسو الترهوني..❤️
أنت تقرأ
قلب من حجر(ليبية_منقولة)
Kısa Hikaye- لن اتوقف عن ﮼حبك،أعدك♡. - 𝒊 𝒘𝒊𝒍𝒍 𝒏𝒆𝒗𝒆𝒓 𝒔𝒕𝒐𝒑 𝒍𝒐𝒗𝒊𝒏𝒈 𝒚𝒐𝒖, 𝒊 𝒑𝒓𝒐𝒎𝒊𝒔𝒆♡. ﮼قلب،من،حجر🪨🫀. الكاتبة: ﮼تسو،الترهوني🫀😮💨. 1³حلقة🪄🫀. ﮼قراء،ممتعة🫀😔.
