#قلب_من_حجر7..
تسو الترهوني..❤️
دكتور:التواء بسيط في لكاحل سبب تورم لهذا لازم راحة لمدة اسبوع مع كمادات تلج لمده 15 دقيقة..
زياد:شكرآ دكتور
دكتور:ولو هذا واجبنا
زياد:هى نوضي
فرح:مانقدرش بروحي تعال سعدني
زياد:بصوت همس(نوضي ياحصله)
زياد مد يده لفرح حتى تسند روحها عليه
وصلو لسياره فتح زياد الباب لفرح حتى تركب ركبت فرح ولف زياد حتى يركب حتى هو بس وقفاته فرح لما اشرت بصبعها وفتحت روشن..
زياد: شن في
فرح:المطعم يااستاذ مانقدرش نطيب ليوم
زياد:به ومشي ولكن بسرعة ماارجع وقال
(شن رايك اني نطيب وانتي اتقولي رايك)
فرح:تعرف ؟!
زياد:نتعلم شن فيهاا
فرح:من قالك اني فار تجارب
زياد:نراهن انها تعجبك 😉
فرح:شن هى😏
زياد: كيف جي بيتكلم قاطعت عليه فرح وهى تقول(شن رايك تركب وتحكيلي قصة حياتك في طريق)
زياد:ضحك على روحه (تماام)
ركب زياد سياره وقعد زياد يهدرز كيف شيف في الاكل وصحابه يشكرو فيه ويحبو تطيبه
وصلو للحوش🏡
زياد: في لمطبخ يعيط فرح تعالي وين صالصة
فرح: طلعت من دار نوم وهي تمشي بخطوات بطيئة...(على شن ادور)
زياد: صالصة لبيتزا وين
فرح:طلع طماطم من ثلاج وطيبهاا
زياد:شني؟ شني؟ كيف!😳
فرح:انت شيف ولا اني😏
زياد:به تعالي انتي ديريهااا
فرح:لا
زياد:تعالي طيبيهاا بلا قسوة
فرح:اني قلبي قاسي
زياد:اي
فرح:مش مطيبه شى
زياد:تي لا نبصر عليك
فرح:به بشرط
زياد:😁اشرطي
فرح:ترفعني غدوا لسحر
زياد:نرفعك ياهمي غير تعالي بسرعه
طلعت فرح طماطم من تلاجة و تكلمت بصوت هادئ (زياد)
زياد:نعم
فرح:جيبلي لكرسي رجلي نتوجع منها😔
زياد:به نحساب معش صارلك من صالصة
فرح:لا لا😄
زياد:كيف نعجن لعجينة
فرح:ابشر جبس ابيض مع شوية ملح واعجن
أنت تقرأ
قلب من حجر(ليبية_منقولة)
Historia Corta- لن اتوقف عن ﮼حبك،أعدك♡. - 𝒊 𝒘𝒊𝒍𝒍 𝒏𝒆𝒗𝒆𝒓 𝒔𝒕𝒐𝒑 𝒍𝒐𝒗𝒊𝒏𝒈 𝒚𝒐𝒖, 𝒊 𝒑𝒓𝒐𝒎𝒊𝒔𝒆♡. ﮼قلب،من،حجر🪨🫀. الكاتبة: ﮼تسو،الترهوني🫀😮💨. 1³حلقة🪄🫀. ﮼قراء،ممتعة🫀😔.
