#قلب_من_حجر5
تسو الترهوني..❤️
صباح يوم جديد
فاق زياد على صوت فرح تتكلم بتلفون...
سلمى:باااي
فرح:سلميلي على عمتي والبناات بااهي😉
سلمى:ههه شن تقصدي 😄
فرح:هههه😅 غير قولي واسكتي
سلمى:بااهي😂😂
طلع زياد من صالة...
زياد:مع من كنتي تتكلمي
فرح:الناس تقول صباح لخير
زياد:جاوبي على سؤال
فرح:مع امي
لف زياد متجه للحمام (اكرمكم الله)جهزيلي حوايجي بنمشي للخدمة
فرح: بصوت يادوب مسموع( عريس وبيمشي يخدم)
زياد:اشتغلي وانتي ساكته
فرح:😒😒
________
تغريد:صباح الخير
امال:صباح نور تعالي افطري وقت على مدرسة
تغريد:ليوم جمعة
امال:راح من بالي باهي معنها ليوم بتمشي معاي للمحل
تغريد:هه لا
امال:وعلاش
تغريد:ليوم بنمشي لسحر
امال:امتى بتمشي
تغريد:لعشية
امال:هه معنها بتمشي معايا للمحل بعدين من لمحل لسحر..
تغريد:مافيش هروب منك انتي😁
امال:اكيد😆
__________
تسو ترهوني..❤️
سحر:شفتي تغريد
عبير:من تغريد
سحر:لبنت يلي امها تخدم في محل حلويات
عبير:خيرها
سحر:شن خيرها
عبير:انتي تكلمتي عليها
سحر:اي اي بتجي ليوم
قاطع كلامهم مراد..🙋🏻♂️
مراد:امي شن الغدي
سحر:مافيش غدي
مراد:اسكتي ياخوافة
عبير:اسكتو انتم زوز لي يسمعكم يقول صغيرين
مراد:حتى اني صغير ياام من قال كبير😁
مشت عبير وخلتهم يبصرو على بعض ويضحكو
يمكن تقولو حياة مراد وسحر تافها و مش جدية يعنى كل شى ياخدو فيه ببساطة بدات لما يكونو مع بعض..
تعرفو ليش؟
لنا حياتهم وقت طفولة كانت صعبة وقاسية هم يحاولو يمسحو ويتجاهلو ذكرياتهم ببساطة
..
حزين القلب بشوش الوجه..🥀
____________
طق طق
فتحت فرح لباب انصدمت لما شافت زياد
زياد:حولي خيرك مصدومه
فرح:لا شى
خش زياد حتى همست فرح خدمة مشي ربع ساعة وجي
حتى يرد عليها زياد من الكوجينة ليوم جمعه يااهانم
فرح:الله يبارك عنده وذان يوزعو سمع على بلاد
خش زياد فتح شاشة يتفرج على كوره
جت فرح قمزت على جيهة لمقابلة
زياد:شن جيتي وقعمزتي
فرح:شن تبيني ندير
زياد:نوضي اقلبي وجهك من قدامي
فرح:نايضة يلي يسمعك يقول ميتة على شوفتك
زياد:سكري فمك
فات اسبوع بحلوه ومره فرحه ونكده⭐ ...
فرح وزياد زي الفار ولقطوس ...فرح تقراء مع تغريد
وسحر كانت تعطي في دروس خصوصية لفرح وتغريد
________
تسو الترهوني..❤️
خش زياد للحوش وكان مستغرب من فرح دور عليها في الحوش مافيش ليها اثر مشي بخواط حتى يشوف فرح راقدة وتهلوس قرب منها حتى يشوف خيرها لاحظ انها ترجف وصقعانة حتى يلمس جبينها ويعرف ان عندها حرارة ...
زياد:بخوف(فرح خيرك)
فرح:اطلع من دار وبلا شماته
زياد:ضحك في خاطره على فرح حتى وهى مريضة مش ساكته حتى يقول بنبرة هادئة ممزوجه بلخوف(عندك حراره)
فرح:وانت شن دخلك عندي حرارة ولا نهار احرف
زياد:لف زياد متاجهل كلام فرح حتى يرجع وهو جايب في يده (بنادول و كمدات خافضة للحراره)
فرح:وربي ما
زياد:وربي ماتسكتي نقتلك في مكانك ..
أنت تقرأ
قلب من حجر(ليبية_منقولة)
Short Story- لن اتوقف عن ﮼حبك،أعدك♡. - 𝒊 𝒘𝒊𝒍𝒍 𝒏𝒆𝒗𝒆𝒓 𝒔𝒕𝒐𝒑 𝒍𝒐𝒗𝒊𝒏𝒈 𝒚𝒐𝒖, 𝒊 𝒑𝒓𝒐𝒎𝒊𝒔𝒆♡. ﮼قلب،من،حجر🪨🫀. الكاتبة: ﮼تسو،الترهوني🫀😮💨. 1³حلقة🪄🫀. ﮼قراء،ممتعة🫀😔.
