قلب من حجر
تسو الترهوني
تغريد:بشويه قتلتيني...
سحر:استاحشتك يافرخه كبرتي وليتي حلوه
تغريد:اني من قبل حلوه
سحر:لاواضح متغيره حتى لسانك ابدي طويل
تغريد: لا شكلني بنقعد قدام لباب اني
سحر:تفضلي ياخامره فرحتي بيك نستني
تغريد:انبصر عليك ماتحطيش في بالك
سحر:امي امي تعالي شوفي من عندنا
طلعت عبير وسلمت على تغريد وحكت شوية وبعدين خشت لدار فرج لنا ماتقدرش تخليه بروحه
سحر:اي شن اجديدك
تغريد:اييييي عندي الف حكايه
سحر:لاحقين نهدرزو فيهم قوليلي شن تخرجتي وقفتي شن
تغريد:لاكملت قرايتي وتخرجت دكتوره
سحر:ماشاء الله، الله يبارك
خشت بنت مراد تجري لي عمتها
تغريد:ماشاء الله بنت من هاذي
سحر:بنت مراد
تغريد:الله يبارك تعالي ياحلوه شن اسمك
ميس:اتمي ميس..
تغريد:ياعمري محلاك وين ماما ولاماجتش
سحر:ميوس اشمي عمتي جنب جدو يبي يشوفك
طلعت ميس تجري لدار جدها
سحر:مراد ومرته منفصلين على بعض
تغريد:اتشوف بصدمه
سحر:شفتي نسرين لتقرب لريما مرت بوي
تغريد:اي اذكرتها
سحر:خلاص هذيكا اتجوز هى ومراد................
.............. ......وحكت كل شى لتغريد
__________________
سحر:الو فرح
فرح:اهلين كيف لحال
سحر:الحمد الله كان تشوفي من كان عندنا ليوم
فرح:ماتقوليش نسرين
سحر:لا لا تغريد
فرح:من تغريداااااء تغريد ناصر لكانت تقراء معاي
سحر:شن انستيها
(ملاحظة:- ناصر منع تغريد ان تكلم سحر وفرح لنا خاف لو لضرب تغريد برصاص يراقب المكالمات ويقدر يحدد مكانهم)
فرح:لا لكن ليها سنين عليها
سحر:خلاص شن رايك غدوا نمشولهم
فرح:عادي خلي نكلم زياد مش يقعد مع امير
سحر:لا لا ارفعيه خلي تغريد تتعرف عليه
فرح:صح كلامك
سحر:حتى اني بنرفع معاي ميس
فرح:تمام هى تصبحي على خير
