#قلب_من_حجر3
تسو الترهوني..❤️
زياد:عمي نبي ،وبعدين سكت وناض(لا لا شى هى بالاذن )
محمد:قول خيرك🧐 شن في
زياد:عميي نبي نشوووف فرح في كم حاجة نبي نتفاهم عليها 😬
.....
محمد:فهمت عليك
وناض طلع
داخل في الحوش🏠
سلمى:مفروض انتي طيبتي القهوة☕
فرح:عادي ماتفرقش
سلمى:لا مش عادي
فرح:خلاص امي هو اصلآ شن جابه ومزال على عرس اسبوع😤
سلمى:نوضي اضربيه خير🤨
فرح:ياريت
سلمى كيف جت بتتكلم خش محمد
سلمى:خيره زياد شن في؟؟
محمد:لف لفرح (نوضي البسي عبايتك والحقيني)
فرح:لا
محمد:شن قلتي🤨
فرح: قلت لا مش طالعة لي حد
سلمى:فرح اسمعي الكلام وبري😟
محمد:عاودي شن قلتي😡
فرح: قلت لا يعني لا
محمد ضرب فرح كف طاحت على الارض جي شدها من شعرها ويضرب فيها كف وراه كف
وهى تبكي مسكينة وسلمى تحز هذا كله وراح من باله زياد يلي يستنه..
عند زياد سمع صوت عياط استغرب😕 طلع وقف قدام الباب سمع صوت عياط جاي من جيهة باب لحوش وصوت محمد كان واضح
.....
محمد:اطولي في لسانك ياوقحة احمدي ربي انه قبل بيك وهذا كله مش عاجبك ها مش عاجبك نزلتيلي راسي قدام خوتي وهذا كله مزال طولي في لسانك وتردي في وجهي
زياد كان متردد صح خطيب بنته ويعتبر نسيبه لكن مهما كان يعتبر غريب عليهم وهو مش قاري الفاتحة على فرح...
وقف دقائق معدودة على امل ان صوت يوقف وان محمد يطلع بس صوت ودوشة كانت اتزيد اكثر وزياد مش فاهم شى وكلام محمد يدور في راسه ...
في لحضه دف زياد لباب لنا كان مش مسكر
وشاف محمد طايح ضرب في فرح وسلمى مش قادر تحز عليها
جي زياد يجري🏃 دف محمد بكل قوته وشاف لفرح يلي كانت يادوب تقدر تاخد نفس
جت سلمى تجري خلت فرح تنوض ومشت بيها لدار
زياد:اسف مش بقصد بس كانت حتموت بين يديك
محمد:لسانها طويل ويبي لقص حسابها مزال
زياد:اسف مرة تانية لنا انت بوها ومن حقك
بس معش تتعامل معاها هكي
محمد:كيف؟؟مافهمتش
زياد:معش تمد ايدك عليها والعرس قاعد في موعده لمحدد
ولف طلع مخلي محمد مستغرب في تصرف زياد ومتنرفز من فرح ولموقف يلي حطاته فيه...
_________
تسو الترهوني..❤️
عند تغريد وصلو للحوش بعد تعب ساعات متواصلة في طلبيات ...
تغريد:خلاص مش قادرة نزيد دقيقة تانية بنخش نرقد
امال:تعشي قبل بعدين ارقدي
تغريد:لا لا
امال:به براحتك
خشت تغريد خدت دوش دافئ وخشت سريرها دقائق معدودة ومشت في سبات عميق من نوم
عند امال كانت واعية وشريط حياتها يفوت قدام عيونها قطع هاتفكير صوت المسج يلي وصلها ...(لما نتصل ردي مش تقفلي تلفونك)
اهني هى شكت في شخص لمتصل و شافت صورته بين عيونها للحضة دقائق اقل من معدودة ..رن تلفونها ولي اول مرة خافت من سر تعتبر فيه مدفون
=وكيف يكون مدفون وصاحب سر على قيد الحياة
امال:كإن ساعة 3 في ليل ولا انت مش مركز
##:ههه لا مركز انتي يلي ركزي على تصرفاتك
امال:مافهمتش غبية بسلامتي
##:كيف تقوليلي تعال للمحل ونمشي. نشوف تغريد يلي موجودة
امال:حى كيف نسيت اني
##:شفتي كيف 🤨
امال:نسيت وانت كنت تتصل قبل ماتجي خيرك ماكلمتنيش
##:تلفوني تم شحنه
امال:صراحة اني مليت من سر هذا لازم لبنت تعرف
##:لا مش شرط تعرف
امال:لازم انها تعرف انت هارب وتاني سافر وعاش حياته واني وبنتي مظلومين
##:حتى اني مظلوم زيكم ماتنسيش
امال:لقصة ليها مدة وانت عايش حر طليق
##:مدة بس شرطة قعده ادور عليا ماتنسيش ان ملف القضية مفتوح
امال:دير حل
##:إن شاء الله
ونقطع الخط📵
فاتت ليلة تعيسة على امال وفرح وليلة هادئة على تغريد وليلة مشوشة على زياد يلي طول ليل وهو يفكر في كلام محمد ...
__________
تسو الترهوني..❤️
شرقت شمس صباح بعد ضلام ليل وكإن تحاول تقول ان بعد ضلام نور..
صباح يوم جديد
سحر:صباح الخير
عبير:صباح نورات تعالي افطري
سحر:شوية بس
مراد:ماتكذبيش خبر انتي😂
سحر:وانت شن دخلك تقول ناكل في رزقك😅
مراد:جى بيتكلم قاطعاته عبير:خيركم على صبح🧐
سحر:يام خيرك نبصرو على بعض☺️
مراد:شن عبوره مكثره من مسلسلات لخليجية😏
عبير:افطرو وانتم ساكتين😤
مراد غمز لي سحر (بمعنى اسكتي🤐)
استغربو في تصرف عبير يلي نقلب في لحضة زي ايام الخريف المتقلبة
كملو فطورهم ناضت سحر تغسل في الاماعين وطيبت الغدي
مراد طلع للخدمة يلي كانت واخده كل تفكيره ووقته
وعبير خشت دارها تتفرج من روشن تذكر كيف كانت تخدم في اكثر من خدمه وكانت بدور الاب والام وكانت وحيده لا اخ لا اب ولازوج صالح يعني كانت سند لنفسها بعد ربي صح ربي عوضها ب سحر ومراد ولاكن مع هذا في كل إنسان في نذبات في قلبه مهما تمر ساعات والايام وسنين تقعد موجودة في ذاكرة الانسان زي زينب يلي مريضة بزهايمر كانت عايشة في ماضيها اكثر من الحاضر
___________
زياد:سلام عليكم
امال:وعليكم سلام
زياد:نبي نوصي على تلاتة انواع من لحلو
امال:في صنف في بالك؟ وكم تبي قطعة من كل نوع
زياد:نوع انتي اختاري ولعدد لحق مانعرفش هو عرس صغير يعني اشخاص محدودة من الجيران
امال:فهمت عليك
زياد:في خدمة توصيل
امال:اي في خارج ولاداخل طرابلس
زياد:لا داخل طرابلس اهني في المنطقة في شارع@@..
امال:عرفت المكان اصلآ انت مش بعيد على حوشي
زياد:ليش انتي وين تسكني
امال:.................
تسو:خلاص ما علينا لمهم طلعو جيران😅
_______
تسو الترهوني..
يتبع..
...❤️❤️تفااعلوو
أنت تقرأ
قلب من حجر(ليبية_منقولة)
Historia Corta- لن اتوقف عن ﮼حبك،أعدك♡. - 𝒊 𝒘𝒊𝒍𝒍 𝒏𝒆𝒗𝒆𝒓 𝒔𝒕𝒐𝒑 𝒍𝒐𝒗𝒊𝒏𝒈 𝒚𝒐𝒖, 𝒊 𝒑𝒓𝒐𝒎𝒊𝒔𝒆♡. ﮼قلب،من،حجر🪨🫀. الكاتبة: ﮼تسو،الترهوني🫀😮💨. 1³حلقة🪄🫀. ﮼قراء،ممتعة🫀😔.
