هاجر: اجو بيت ابو احمد وحدهم مجابو احد وحنين خابرتني وكالت انو حيسوون عرس هنانه ومن نرجع للناصريه هم حضرو فرقه وح يسوون غدة رحنا نإجر البدلات اختاريت بدله كلش نازكه وحلوة بيجي بس سامر اعترض وكال لا اما روني كتله مخصك انته وضلينه نتناكر الى ان حنين كالت بس
حنين: هاجر فدوة والله الماروني احلى اخذي عاد الخاطري
هاجر: تمام هاي بس علمودج راح اخذها باوعت السامر ابتسم بخبث ابو البدله اقترح انو انسق الالوان وينطي سترة بلون البدله
سامر: حلوو يي تمام ننسق
هاجر اشتريت شوز كعب كلش وأجرنه صالون وبليل سامر دزلي جهاز وسيمكارت
هاجر: فتحت الجهاز لكيت مخلي رقمة اتجاهلت مدكيت ولا شي بس نزلت برامج ونقلت صور سوينه عشه وخلصنه من وكت اقترحت انو نطلع للفروسية
حنين: اذا قبل سامر نطلع لانو ضوجه
هديل: اني اقنع احمد ونطلع معليچن
هاجر: والله حياتي اني معليه بسامر اخذ رئي بابا واطلع
حنين: بس سامر خطيبج
هاجر: يي وشنو يعني بعدة مصاير زوجي
وافق احمد وافق سامر وبابا هم كال تونسو اخذنه نهاد ويانه لانو همة جديدين بديالى سامر صح جاي لديالى بس موكلش يندل لبست بينصل اسود تسعيني وذبيت الشال ومكياج خفيف اول مطلعت خزرني سامر
سامر: تخبلت من شفتها لابسه هيج وتريد تطلع اخذتها بصفحه وكلتلها هسه ع السريع تبدلين شنو هذا لبس بنات شوارع
هاجر: باوع دا تتجاوز هواي وثاني شي معليك بية البس الي يعجبني وهسه ما ابدل لوتنگلب الدنيا
سامر: اشوف مرة الي تطلع هسه اخربها والله ولتنسين
اني هسه خطيبج يعني اكدر اشكيج لابوج
هاجر: هف الله ياخذك ثق ب الله لو مو علمود حنين جان حته الطلعه خربتها
سامر: ابتسمت بخبث تقربتلها وهمست لمن نصير بغرفه وحدة البسي الي يعجبج او حتى لتلبسين اصلا وغمزتلها
هاجر: لاصدك انته متستحي الله يخلصني منك
طبيت ضايجة كلش خرب مزاجي بدلت ولبست فستان كلوش تسعيني ورجع اعترض كتله والله ما اغيرة لو تموت كل فساتيني هيج
سامر: تخبلت الفستان طلع بعد احلى من ذاك شتلبس يكعد على جسمها ضلت امي تلح وحنين يله وافقت على اعصابي كتلها عدلي شالج ما اريد اشوفه هيج
هاجر: بضوجه حجيت وكلت شكد معقد شلون ح اعيش وياك سنه افف
سامر: وليش يعني سنه احنه راح نتزوج يعني ح تكابلين هذا المعقد طول حياتج وضحكت
هاجر: مستحيل اني وافقت لان ام احمد كالت سنه ونطلك
سامر: امي الي كالت يعني مو اني
هاجر ليش هيج تحب تضوجني نرجع ويصير خير: سامر: صعدتها وياي بلسيارة ومصعدت احد بس احنه اول مطلعنه الشارع كلتلها تتذكرين لمن شفتج اول مرة هنانة
هاجر: قصدك لمن لحكتني وكلت اصعد ي ويايه
سامر: ي وهسه انتي صاعدة وياي
هاجر: ضيكت عيوني وسكتت
مشينه ورحنه الشارع الطابو الاجواء جانت كلش حلوة المغرب سامر طلع اغنيه لمحمود التركي يدوخه راسي انته واحلى دوخة راس وصل لمقطه وسامر يغني وياه
شالع كلبي انته واني اكولن زين
يغني ويغمزلي مهتميت وصلنه للفروسيه هم جانت مو كلش ازدحام طبينه ولعبنه وطلعنه رجعنه رحنه افترينا
بعقوبه ورحنه على خريسان حنين وهديل تونسو وحبو
الوضع واني هم رجعنه للبيت بطريقنا سامر فر السيارةو وخابر نهاد كله اريد اجيب جكاير وكم شغله للبنات وارجع نهاد وافق اني متت بخوفي
سامر: يي هجورة بقينا وحدنا وين راح السانج
هاجر: رجعني للبيت نعست
سامر: ليش مستعجله اتقربتلها واخذت شفتها بكل حيلي الة حسيتها اختنكت يله عفتها شفتها شهكت وبجت حضنتها حتى احسسها بل امان بس هيه خافت وحسيتها ابتعدت اكثر كل ما احاول ابتعد عنها واخليها تنسى بس ما اكدر ابتعد منها ضجت كلش ورجعتها للبيت
هاجر: بعد الي سوة بقيت ابجي وهوة يهدي بيه سكتت نفسي كوة وكتله رجعني رجعنه البيت وركضت للبيت وكتلهم تعبانه باجر ورانه حفله ح انام لحد يحاجيني طبيت نمت دك شفته هو مرديت سويت الجهاز صامت ونمت كعدت الفجر صليت ولكيت ماما كاعدة تجهز ريوك ساعدتها الى ان صارت ب 10 ونص سامر وداني اني وهديل للصالون وخالتي هم جتي ويايه صعدني يمه همس ليش مجاوبتي البارحة كتله تعبانه وغفيت
سامر: انتي نامي واني اليل كله معرفت انامه ردت بس
اوصلج
هاجر: محد ضربك على ايدك وكلك لتنام
سامر: يصير خير هجورتي الله كريم
هاجر: وصلنه للصالون ونزلنه البدلات والفساتين مالت البنات مكيجتني ام الصالون المكياج حرفيآ يجنن برز ملامحي والتسريحة تخبل وبسيطه لبست البدلات باوعت بلمرايه ودمعت لانو راح ابتعد عن اهلي واني مجبورة على الزواج مو برضاتي
هديل: يعمري شهل جمال طالعه لعابه
هاجر: شكرا حياتي عيونج الحلوة
هديل: خابرت احمد هوة حيجي ياخذنه
هاجر: اجه احمد اخذنه ووصلنه لكيت امي مجهزتلي كوشه تجنن وحفله واقاربنه ملتمين بس اني متت جوع اول مطبيت بوجهي طبيت للمطبخ لكيت مامه طابخة باميه وفاصوليه كعدت اكل وهمه يصيحون ليخرب مكياجج مهتميت وحنين تكول الة اصورج وادزج السامر كتلها طز اني بس اريد اكل متت جوع اكلت وخلصت وكعدت ع الكوشه شويه وكالو اجه العريس فات سامر واشوفه لابس القميص اسود وبنطرون اسود وحذاء اسود بس السترة ماروني نفس بدلتي ومحلق طالع كلش حلوو ومرتب
سامر: فتت وكامت الهلاهل والجكليت واني عيوني تدور عليها شفتها فدوة طالعه لعابه يوم بعد يوم تصدمني بملامحها البريئه وبساطتها طنشت الكل ورحت بستها بخدها استغليت الفرصه مكدرت تحجي لان نسوان هواي همست هاي شطالعه اليوم شلون راح
اتحمل جمالج واكعد عاقل
+++++
انتضرونا بلبارت الجاي
للكاتبه شغف
أنت تقرأ
اسيرة في متاهة اقداري
Randomوما ذنبي أإأذأإأ كان القدر اختارني لاكون اسيرته هاجر طالبة متخرجة من سادس تلعب وياهة الحياة وتضيع من اهلها ومنا تبدي قصتهة قصة حقيقية وبيها هواي احداث راح تحبوها
