اسيرة في متاهة اقداري

30&&&:&&

هاجر: بعد ما وصلني استاذ امير كتله شكرا استاذ على كلشي سويته وياي

امير: اول شي لتكولين استاذ كولي امير برة الجامعه ماشي وثانيه لتشكريني صيري قويه بس هذا الي اريدة

هاجر: نطيت عهد انو ماراح اتأثر بسامر بعد اليوم لازم اتقبل الي صار واشوف حياتي بعيد عنه امير ورؤى وجودهم خلاني انسى جزء من همي دكت رؤى وكالت

رؤى: هاجر راح اروح للدكتور نطمن على هل امور

هاجر: تمام اجي وياج

رؤى: انتضرج ب3لتنسين

هاجر: ماشي يعمري

نور: صارلنا سبوعين ببغداد حيدر خلي نروح للدكتور نشوف جنس الطفل

حيدر: تمام اكو دكتورة زينه يكولون عنها راح احجزلج
اذا بنت انسميها الين واذا ولد انسمي مهيب

نور: حلوو كلش الاسماء تجنن

حيدر: سامر كلي

نور: اووف الله يساعدة شلعبت بي الدنيا
اتصل حيدر بلدكتورة وكالت موعدكم ب 2ونص لاتتاخرون لان اكو حجز وراكم

هاجر: طلعنا احنا ورؤى وعمتها وصلنا كالو قبلكم حجز تطلع ودوركم وراها ضلينه كاعدين واني اشوف النسوان هاي الي حامل جديد وهاي الي بقالها كم يوم وتجيب شكد جنت احب اعيش هيج شعور اووف

رؤى /:حبيبتي ضجتي

هاجر: لا شكو عندي اهم شي نطمن على ابنج المشاغب

رؤى: هههه يستاهل وليداتي

هاجر: ضلينا نحجي الى ان طلعت المريضه منتبهت عليها ازدحام. هواي بلعيادة الى ان سئلتها وحدة من الكاعدات كلتلها شراح يجيج بنيه ولد شراح تسمو

نور: بنيه راح نسميها الين

هاجر: الصوت موغريب عليه رفعت عيني واشوفها نور
يي نور وحامل وح تسمي بتها الين طلعت من العيادة واركض وابجي اختنكت يعني كتل ابني وهسه ديحقق حلمه ويه نور واني حرمني من ابني متتت من البجي عثرت ووكعت صارت ملابسي كلها تراب اخذت تكسي ورحت البيت عمتي الطريق كله دموعي وشهكاتي مهدت ابد احس انطفى كلشي بعيني شايفين لمن واحد يحس حركه بكلبه وينكطع النفس ااخ شسويت بنفسي
رحت لبيت عمتي فتحت الباب

عمه هاجر: انصدمت بمنضرها وتبجي حضنتها وفاتت الغرفتها ردتها تحجي مقبلت

هاجر: فتتت الغرفتي بجيت لحد ما نشفت دموعي فكرت كلت خلص بعد ما اريدة يخطر على بالي سامر انتهى وكلشي عشته بهذاك البيت انتهى ما اريد اتأثر وهوة عايش حياته انتهى وهل سبوع ارفع دعوه طلاك كلشي انتهى فجأة دك التلفون

نهاد: الووو هاجر حنين دا تولد

هاجر: يعمري مبروك لمن تولد دك عليه باجر انشالله من الصبح اجيكم