هاجر: ضليت اشتغل والجهال وملك يم عمتي ابقيهم عمتي تحاول تساعدنا من تقاعد زوجهة الله يرحمه بس اني ما اقبل وبيوم اجيت من الشغل وعمتي وعمي اجوي علية كلش مشتاقتلهم ما انكر عيوني دمعت من شفتهم
ام احمد: ماكو تفضلو
هاجر: متحملت عيوني خانتني ودمعت حضنتها وهيه بادلتني الحضن فتنا للبيت
وعمي شاف ايهم ومهيب وحتئ ملك حضنهم ويبوس وعمتي كذالك وبل اخص لمن شافت مهيب بسرعه بجت وكالت يمه ريحت بنيتي
دمعت مكدرت اسيطر علئ دموعي
ابو احمد: بنيتي هاجر اني زعلان عليج تصرفج كلش غلط شلون اطلعين من البيت بدون علم
احد
هاجر: عمو اذا تحجي ع الغلط ف سامر اساس الغلط
ام احمد: ليش بنيتي ليش تحرميني من ريحه بنيتي وابن ابني
هاجر: عمه ليش تلوموني وتزيدون عليه البيه
مكفيني ماكافي الي دا اعيشه
ام احمد :ماكايله مو حقج بنيتي بس سامر راح يروح
من ايدينا يمه كاضيها بس شرب ويعيط با اساميكم
اليل كله والله يبنيتي يحبج
هاجر: شنو فايدت حبه وبوكت جنت باعز الحاجه الة اتخلئ عني
ابو احمد: بنيتي لتردينه جينه ونريدج ترجعين البيتج والرجلج
وتلمين ابنج وهاي الايتام الي بركبتج
هاجر: عمو جيتك علئ عيني وراسي بس اعذرني اني خلص سامر صار ماضي بلنسبه الي
ابو احمد: بنتي بيناتكم طفل لاتنسين
هاجر: ولايهمك عمو هذا الطفل مسؤليتي ومراح اقصر عليه بشي
ام احمد: يمه ليش هيج تحركين بيتج ورجلج وتخربين حياتج
هاجر: ما متأمله شي بحياتي خربت اساسآ بس ما اريد اخسر الباقي من كرامتي
ابو احمد: تذكري بنتي هذا سامر الي ميكدر بدونج
هاجر: سامر صح سامر الي بنص همي وكسرتي ماسئل عليه
ام احمد: هو هم جان مثلج مكسور بنيتي لتنسين الماتت اخته
هاجر: اعرف وهذا الي دا اقصدة جنه نكدر سوة نطبطب علئ جتف بعض اواسي. ويواسيني واحد يخفف ع الثاني
بس ابنج لا بوسط كسرتي رجع كسرني حتئ مجان باقي عندي دموع ابجيها عليه
ام احمد: تكدرون تبدون من جديد احنه ولد اليوم
هاجر: قبل سنتين عديتله هواي مرة ومرتين وثلاثه بديت وياه ونطيته فرص كسرت
بنفسي وبكرامتي
بس هوة شنو سوة عمه فهميني شسوة خلاني اندم
اندم لان انطيته فرصه
ابو احمد :حقج بنيتي حقج بس والله انتي بمعزت بناتي مستحيف بيج الكعدة هنا واعرف ابني غلط
بحقج لعد احنا نمشي بس اتمنئ تتقبلين هذا مني
أنت تقرأ
اسيرة في متاهة اقداري
Разноеوما ذنبي أإأذأإأ كان القدر اختارني لاكون اسيرته هاجر طالبة متخرجة من سادس تلعب وياهة الحياة وتضيع من اهلها ومنا تبدي قصتهة قصة حقيقية وبيها هواي احداث راح تحبوها
