هاجر: بس طلعت ام احمد فتحت جهازي وياويلي شكد داك كلت اكيد هسه يضل يصيح رجع دك
سامر: وينج ليش متردين يعني مفكرتي كلتي هل بشر مات عدل لج اني الليل ما انامه اضل افكر بيج وانتي ولاهمج ترحين للجامعه واني ماكلها ارجع ويصير خير ياهاجر
هاجر: خلصت
سامر: لاوالله اذا على قهرج ف ميخلص
هاجر: جان فكرت قبل متصيح عليه
سامر: الي صار سوء تفاهم وانتي منطيتي مجال واحد يحجي وياج
هاجر: حتى لو بس كلش ضجت واختنكت
سامر: يله هسه من ارجع اراضيج بطريقتي
هاجر: ايمت ترجع
سامر: ها حنيتيلي مو
هاجر: مجرد سؤال وبعدين هل سبوع اخلص امتحانات لتشوش دماغي
سامر: اوكي اخذي راحتج عمري
هاجر: يله باي
هاجر: مرت الايام وسامر يخابر ويسأل عليه وخلصت الامتحانات سامر بعد 4ايام ويرجع واني احسبله الثواني كلش افتقدته
سامر: كاعد بليل واجاني اتصال من حيدر
حيدر: سامر تعال بسرعه صارت عندي مشكله
سامر: خير شصاير
حيدر: ما اكدر احجي راح ادزلك العنوان لتتأخر
سامر: دز العنوان طلع الاخ مسويلي سهرة وفندق وبنات
حيدر: اختار وحدة وهسه اخليها تعوف الحفله وترحون جوة
سامر: الله يطيح حضك امشي لا هسه اكسرك عبالي بيك شي
حيدر: هاي شبيك يمعود من شوكت انته هيج معقوله من تزوجت تغيرت
سامر: سرحت وضليت افكر بهجراني صدك هجراني خلتني اهجر الذنوب كلها خلتني اعوف كلشي واريدها هيه بس ما اريد احد غيرها.. عفت حيدر وطلعت كتله كمل سهرتك اني رايح هل اجواء متوالمني بعد
حيدر: براحتك
هاجر: بقه يومين الجيت سامر واليوم النتائج رحت استلمت نتيجتي الحمدلله بس مادتين جيد جدآ والباقي امتياز كلش فرحت اني وراجعه للبيت اجاني مسج على التلي فتحته لكيت فيديو ومكتوب جواه شوفي زوجج شلون مرتاح بلملاهي فتحته ونصدمت سامر يي سامر وشفت بنت لابسه احمر قريبه عليهم ادموعي بدت تنزل يعني هم خرب فرحتي مجان لازم اثق بي قفلت جهازي وحلفت ما افتحه
سامر: استغربت هاجر تلفونها مغلق خابرت اهلي كالو مابيها شي بس متريد تحاجيك كلبي نار اريد بس يجي باجر وارجع واشوف ليش هيج تغيرت عليه
هاجر: اليوم يرجع سامر كلها تحضر ومتحمسه بس اني كلش مخنوكه ومقهورة منه ركزت على البنت الي بل فيديو وعلى لبسها وكشختها صح موحلوة كلش هواي بس شلون مرتبه ومكيجه غميت نفسي وكلت هيه هاي بنيه وانتي بنيه حقهم يباوعولها شوفي كشختها بس اني اعلمك سامر اذا ما اشلع كلبك
سامر: اووف الطريق احسه كلش طول شوكت ارجع واشوف هجراني شبيها
هاجر: صعدت تمكيجت ونضفت وجهي وجسمي وجان عندي برمودة حمرة ضيكه كلش وفليت شعري وتعطرت فتحت تلفوني وطلعت مسلسل ضليت اباوع
سامر: وصلت البيت والكل استقبلني سئلت عليها كالو مقبلت تنزل استغربت شنو الي صاير
هاجر: قررت انو ما اتراجع عن قرار الطلاق بس بنفس الوكت اشلع كلبه
سامر: صعدت فتحت غرفتنا ملكيتها رحت للغرفه الثانيه شفتها شلون طالعه جنها كمر اويلي اول مفتت. حضنتها وكلت مشتاقيتيلي
هاجر: ممكن توخر وتطلع من غرفتي اريد اكمل مسلسلي
سامر: كلش استغربت من تصرفها سحبتها الي وحجيت بعدج زعلانه من الي صار هذيج المرة كتلج سوء فهم صار
هاجر: يامرة الي تحجي عليها دكاتك هواي
سامر: هاجر تحجين شبيج لو قسمآ بالله اكلب البيت
هاجر: طلعت الفيديو وكلت خطيه تعبت هواي بشغلك مو
سامر: انصدمت من الي شفته منيلج هل فيديو
هاجر: ما اعرف منو دزة وانته هذا الهامك تريد تغطي غلطك
سامر: وانتي صدكتي موو
هاجر: طبعآ ما كلشي واضح
سامر: جان عندي رسايل من حيدر يكلي ليش مسهرت واني رديتله لو ادري مسوي سهرة ما اجي غير عبالي صدك بيك شي نطيت الرسائل لهاجر وفهمتها كلشي
هاجر: كلش فشلت لمن فهمت وعرفت هوة ماله ذنب بس فرحت بسرعه حضنته وبجيت وكلت تدري شكد ارتاحيت روحي طلعت اول مشفت الفيديو بس الحمدلله طلع مو الي ببالي صح
سامر: انطيني الرقم الي دزة ويصير خير اريد اشوف منو هل حيوان الي يريد يسوي مشاكل بيناتنه
هاجر: نطيته الرقم وضل يحقق بلموضوع كملنه كلشي واجه الليل وع العشه ابو احمد كال باجر يجي نهاد حتى يعقدون لازم تجهزون الصبح
لميت مواعين العشه وعزلت صعدت سامر سحبني الحضنه واني هم حضنته كلش مشتاقتله حجيت سامر سؤال
سامر: كولي عيوني
هاجر ج٠٠:شنو رئيك بلبنيه الي جانت يمك بلفيديو
سامر: عاديه اصلا منتبهتلها
هاجر: لاتجذب حلوة موو شفتها اني احجي الصدك
سامر: يي زينه
هاجر: هاي يعني عجبتك
سامر: كل عقلج يعجبني غيرج
هاجر: بس هيه حلوة واطول مني
سامر: واذا طويله اني احبج غير انتي سنفورتي الي شالعه كلبي
هاجر: يعني مباوعتلها موو
سامر: هاجر جايه تنكدين عليه لج باباه تخبلتي اني ما اشوف غيرج ادمنتج صرتي ادماني
هاجر: يعني ماراح يجي يوم وتعوفني او تكسرني
سامر: مستحيل هجراني انتي روحي ومحد يأذي روحه اويكسرها
هاجر: توعدني
سامر: اوعدج يكلبي يله تعبان واريد انام بحضنج ما اريد حجي
♡♡♡♡♡♡♡♡♡♡♡♡♡
يله انتهى البارت انتو هم نامو باجر نكمل
للكاتبه: شغف
أنت تقرأ
اسيرة في متاهة اقداري
Losoweوما ذنبي أإأذأإأ كان القدر اختارني لاكون اسيرته هاجر طالبة متخرجة من سادس تلعب وياهة الحياة وتضيع من اهلها ومنا تبدي قصتهة قصة حقيقية وبيها هواي احداث راح تحبوها
