اول يوم الفاتحه متتخيلون اجه اليل واني اللوب مثل الطير المذبوح تعرفون اول يوم فراك شلون يكتل كتل غفيت واني وسط دموعي ما اعرف شلون غفيت واول مصحيت اتمنيت كلشي يكون حلم حلم وينتهي
😔
هاجر: خلصت الفاتحه وضليت افرفر بزوايا بيتنا واسترجع كل ذكرة النا سوة اني واهلي
ذكرياتي وعركاتي ويه اخوتي
تحدياتنا وشغبنا
طفولتي الي كضيتها بحيطان هذا البيت
ذكرياتي وحنيت اهلي
اخخخ شنو انسئ
صعبه كضيت احلئ ايام حياتي بهذا البيت
دخلت غرفه اهلي نمت علئ فراشهم واشم ريحتهم
فتحت كنتور واخذت من ملابس بابا وماما و
حتئ غرفه اخواني واشوف العاب بلي ستيشن
وساعاتهم وملابسهم هم اخذت منهم
ودخلت الغرفه حنين ونهاد من كل واحد اخذت ذكرئ الي اشم ريحتهم بيها.
خلص قررت لازم اعيش حزني وحدي.
اعرف محد راح يتئاذة غيري
رحنا علئ ملك وطلعوها من المستشفئ ملك طول اليوم تسئلنا علئ امي وتبجي وتكول اريدها
مهيب الي عمرة سنه ونص يبجي ويفكد ب امه
ااخ شكدر اتحمل شلون راح يتجاوزون هذا كله واني ال واعيه لسه ممتجاوزته خلصت السبعه وراحو عمامي الي اصلا ما النه علاقه بيهم لان جنه منختلط بيهم
رجعنا للناصريه وودعت كل ذكرئ الي بديالئ
احساسي مينوصف شكد ما احاول
اوصفلكم الغصه والوجع بداخلي
مراح تفهموني الوجع ميعيشه غير
صاحبه سامر حرفيا منتهي
طول هل فترة محجيت ويا وعمتي كلبها محترك علئ بتها ومابطلت نوح
رجعنا واسمع احمد يسولف شلون لمو جثثهم مشوهة حتئ
ماباقي بيهم تفاصيل
كل كلمه يحجوها احس كلبي يحترك.
وطول هلفترة سامر تغير كام يطلع من البيت ويشرب واكثر من مرة احمد يتعارك ويا بس ماكو فايدة
ابتعدنا احنه وسامر فد مرة بهاي الفترة كلش
وجنت اشوف اماني ماخذتها حجه تتقرب منا
بس مجنت بحال يسمح انو اتجادل وياهة
كل يوم يجي اليل وتبدء معاناتي ونوحي وحركه گلبي
مالي قابليه لكلشي ملك متبطل اسئلتها ويوميه
مكضيتها بجي وتكلي اريد ارجع البيتنه
معرف شلون احاول اوصللها الفكرة انو خلص ماكو بعد بيت انتهئ كلشي
وبيوم جنت فايتخ الغرفتي. وكالعادة سامر منعزل واني اصلا معزوله عنه
أنت تقرأ
اسيرة في متاهة اقداري
Randomوما ذنبي أإأذأإأ كان القدر اختارني لاكون اسيرته هاجر طالبة متخرجة من سادس تلعب وياهة الحياة وتضيع من اهلها ومنا تبدي قصتهة قصة حقيقية وبيها هواي احداث راح تحبوها
