سامر: اليوم عرس حيدر ونور حيدر عزمني بس اني مجان الي نفس بشي اريد هجراني فتقدتها محتاجهة ما اكدر افاركها حياتي صارت عبارة عن ادور على هاجر وارجع للغرفتنا اكابل صورها والجكاير والذكريات احبها وروحي داتطلع اريد شوفتها تعرفون شنو عاشك معشوكه موكبال عينه بس اليحب يحس بشعور الفركه متت حرفيآ بحيث يصير عندي عيد اذا وصلني خبر منها
نور: طبعا اني مشايفه سامر بس شفته بيوم جينه نعزمه سامر خلصان وحالته تعبانه كلش انعصر كلبي عليه كلت الحيدر معقوله هاجر هان عليها وهوة هلكد يحبها
حيدر: لاتلوميها هاجر هواي تعذبت
نور: حتى لو غلط مرة بس هوة حارب التقاليد والعالم وحبها واخذها
حيدر: خليني ساكت نور لتحجيني..
نور: شكو ليش احجي الله عليك
حيدر: توعديني متحجين
نور: وعد شنو متثق بيه عمري
حيدر: سامر متزوج هاجر لانو حبها تزوجها لان اغتصبها ووووووالخ
نور: ياعمري هذا كله تحملته كلش متندمه لان حقدت عليها بس والله موبيدي العالم اكلت وجهي عافج واختارها وفضل الغريبه عليج ووواكلو وجهي اتمنى اشوفها بس واعتذر منها عن اذيتي الها
حيدر: ادعيله يشوفها وترد روحها
نور: ان شالله بس تعرف هذا الي صار لعب بينا كلنا كلنا عانينه بس موبكد هاجر الحلو بلي صار تعرفت عليك تدري انته عالمي صرت
هاجر: كل موقف يصير كبالي يذكرني بي واذا اجه اليل اذل اتفرج على صورة ومعانيه اتامله بس ورة هذا كله احاول اكرها اتذكر شسوة بيه شلون تهمني بشرفي واخذ مني احلى شي بهل دنيا ابني اطلع اثار جروحي احاول اكرها بس ما اكدر مفتقدته كلش
ام احمد: اباوع على ابني راح يروح مني ساكن الغرفه وحتى ميحاجينه
سامر: هجراني اختفت ومداكدر الكه الها اثر كمت احب النوم حتى بس احلم بيها ااخ وين رحتي يا ادماني
هاجر: مرت الايام واني الكآبه موتتني ما لي نفس بكلشي الى ان عمتي كالت امشي خلي نطلع للسوك طلعنا ولمن طلعنا شفت وحدة حامل اخذني التفكير لو طفلي باقي لحد هسه جان هسه هوة بلشهر الرابع كلش انهضمت احاول اضم دموعي مكدرت اشوف الهوسه الي بلسوك والحجي والعالم بس اني فاصله عنهم اني احس نفسي وحيدة وما اسمع احد
نهاد: رحت للناصريه اخذت نقل لهاجر لبغداد
رجعت البغداد بوكتها نقلتهة بلجامعه جانت بلجادريه
هاجر: نهاد احس مالي خلك للدوام
نهاد: لا حبيبتي لتكولين هيج داومي خليج قويه ما اريد اشوفج هيج ضعيفه ومكسورة لتكسرينا كلنا وياج
هاجر: ماشي يعمري حنين شلونها وبأي شهر صارت
نهاد: زينه بلشهر الخامس
هاجر: بدة الدوام وعمتي اخذتني حتى نتسوك مخلت شي مجابتلي ملابس ومكياج وعطور واخذتلي تلفون لان اني دائما من احتاج جنت اخذ تلفونها رجعنا للبيت بقيت بغرفتي ارتاح طلعت التلفون ورتبته وكالعادة رحت بسرعه ع الفيس بوك حتى اكلب بصفحه سامر واشوف صورة واضل ابجي واعتب والله تعبت ومتت من هل حاله شوكت انسه ويروح من بالي ضليت اصلي وادعي انو انسا واشوف حياتي
حيدر: نور صار عندي شغل ببغداد سبوع الجاي لازم اخذج ويايه
نور: شكد نبقه
حيدر: يعني شهر هيج حسب ميخلص شغلي
نور: تمام الله كريم
اني واحجي ويه حيدر بسرعه دخت حسيت نفسي موتمام
حيدر: هاي شبيج حتى مصفرة ومو على بعضج امشي خلي نروح للطبيب
نور: كالعادة الطبيب وفحوصاته وتحاليله اخر، شي لمن كال حامل يالله من الفرحه مدري شسوي لزمت ايد حيدر بكل قوتي وضليت احمد بربي سئلته كم شهر كال بعد سبوع وطبين بلرابع
حيدر: ممبين عليها الحمل
الدكتور: يي صح اكو هيج حالات لانو هيه ضعيفه
نور: دكتور زين اذا اخذنا سونار يبين
الدكتور: انتضري بس سبوع هيج اخذي
نور: طلعنا والضحكه مفاركت وجوهنا حيدر صار يهتم بيه ويخاف عليه فاتت سبوعين وحيدر طلعنا البغداد
يتبع
&&&&&&&&&&&&&&&
للكاتبه: شغف
انتضرونا بلبارتات الجايه كلها حماس
أنت تقرأ
اسيرة في متاهة اقداري
Randomوما ذنبي أإأذأإأ كان القدر اختارني لاكون اسيرته هاجر طالبة متخرجة من سادس تلعب وياهة الحياة وتضيع من اهلها ومنا تبدي قصتهة قصة حقيقية وبيها هواي احداث راح تحبوها
