Unicode📌
Chapter - 22
"မာမီသားအဆင်ပြေရဲ့လား
သားကို သေချာကြည့်ပေးပါဦးမာမီရဲ့"
မြင့်မိုရ်တစ်ယောက် ဝတ်လာတဲ့မြန်မာဝတ်စုံကို ပုံစံကျ မကျ အမေဖြစ်သူကိုစစ်ဆေးခိုင်းနေလေသည်။
ဒီနေ့ပုံစံက မိမိုက်နေမှဖြစ်မည်။
မြတ်နိုးရာလေးကို တသက်တာပိုင်ဆိုင်ခွင့်ရဖို့ သက်ဆိုင်ရာတွေနဲ့လာပြီးခွင့်တောင်းရတဲ့နေ့မှာ အရာအားလုံးပုံစံကျပြီး ကြည့်ကောင်းနေမှဖြစ်မည်။
"မာမီ့သားက အဆင်ပြေပြီးသား ၊
ရုပ်ကလဲ ကြည့်ကောင်းပြီးသား"
မြင့်မိုရ်အားမရသေးပေ။
"ဒယ်ဒီ သားကြည့်လို့ကောင်းရဲ့လားဟင်"
"ကြည့်ကောင်းပါတယ် ငါ့သားရာ ၊
မင်းဒီမေးခွန်းကိုမေးနေတာ ၃၆၈ ခေါက်ရှိနေပြီ"
"ဒယ်ဒီကလဲ ၃၇၀ မပြည့်သေးပါဘူး"
"ဧည့်သည်တွေရောက်လာကြပြီဘဲ
အိမ်ထဲဝင်ကြရအောင်လေ"
အသက် ၅၀ ခန့်အမျိုးသမီးကြီးရောက်လာမှဘဲ မြင့်မိုရ်တို့စကားဝိုင်းပြီးသွားတော့သည်။
ထိုအမျိုးသမီးကြီးက မိုးပြောဖူးတဲ့ အိမ်တော်ထိန်း ကြီးကြီးနှင်းဘဲဖြစ်မည်။
"မာမီ သားကြည့်လို့ကောင်းပါတယ်နော်"
"ထင်ရှားမြင့်မိုရ် မာမီစိတ်မရှည်တော့ဘူးနော်"
နာမည်အပြည့်အစုံခေါ်ပြီဆိုမှတော့ မာမီစိတ်မရှည်တော့မှန်း မြင့်မိုရ်သိတာကြောင့် မြင့်မိုရ်ဘာမှဆက်မပြောတော့ဘဲ ဒယ်ဒီ့နောက်ကနေ ကုပ်ကုပ်လေးကပ်လိုက်သွားလိုက်သည်။
"ဟာ....ကိုခိုင်မြဲ"
ဒယ်ဒီက အိမ်အပေါက်ဝမှာရပ်ကြိုနေတဲ့ လေးလေးကိုမြင်တော့ အံ့သြတကြီးနှုတ်ဆက်လိုက်သည်။
"ဟင်...ကိုထူးခြား ၊
ထင်ရှားက ကိုထူးခြားရဲ့သားလေးလား"
အားလုံးက မြင့်မိုရ်လို့ခေါ်ကြပေမယ့် လေးလေးကတော့ မိုးခေါ်တဲ့အတိုင်းထင်ရှားလို့သာခေါ်သည်။
"ဟုတ်တယ် ၊ နိုင်ငံခြားမှာကျောင်းတက်နေတယ်ဆိုတဲ့သားလေ"
အိမ်ထဲဝင်ဝင်ချင်း ဧည့်ခန်းထဲကိုတောင်မဝင်နိုင်သေးဘဲ တစ်ယောက်ကိုတစ်ယောက် အံ့သြစွာနှုတ်ဆက်နေကြသည်။
YOU ARE READING
Real Happiness is beside you
Fiksi Remajaမိဘစုံစုံလင်လင်ရှိမှ ၊ လူတိုင်းဆီကအချစ်ခံရမှ ပျော်စရာမဟုတ်ပါဘူး။ပျော်စရာအစစ်အမှန်ဆိုတာ ကိုယ့်ရဲ့အနီးနားမှာရှိပါတယ်။ဒါကိုမြင်အောင်ကြည့်တတ်ဖို့ဘဲ လိုတာပါ။ ပထမဆုံး စရေးခြင်းဖြစ်လို့ အမှားတွေအများကြီးပါလာခဲ့ရင် ကြိုတင်ပြီးတောင်းပန်ပါရစေ။ ဝေဖန်ထောက်ပြပေး...
