အရင္က တာရာအေျခခ်ခဲ့တဲ့ၿမိဳ႕ေလးက နယ္ၿမိဳ႕ေလးဆိုေတာ့ အလုပ္ရွာရတာ အရမ္းႀကီးအခက္ခဲမရွိခဲ့ေပမယ့္ ခု တာရာေရာက္ေနတာ ၿမိဳ႕ႀကီးျပႀကီးမလို႔ သူမလို မိဘမဲ့ေဂဟာကလူကို ဘယ္အလုပ္ရွင္ကမွ သေဘာမက်.... သူတို႔အေနနဲ႔လဲ ဘာရယ္ညာရယ္ ေနာက္ေၾကာင္းမသိရတဲ့သူကို မခန္႔ခ်င္တာလဲ အျပစ္မဟုတ္ပါဟုသာ တာရာ ကိုယ့္ကိုယ္ကိုယ္ေျဖသိမ့္ေနရတာ စိတ္ထဲေတာ့အေတာ္ဝမ္းနည္းေနပီ။
တာရာ အရင္တုံးက နယ္ၿမိဳ႕ေသးေသးေလးတစ္ခုမွာ ေနရင္း အဲ့ၿမိဳ႕က ႐ုံးငယ္ေလးတခုမွာ office staff ဝင္လုပ္ခဲ့သည္။ အလုပ္ေပၚ ေစတနာထားတာေတြ ဖင္ေပါ့ၿပီး ခိုင္းသမွ် မညီးညဴဘဲ လုပ္တတ္တာေတြ သင္လြယ္တတ္လြယ္တာေတြကို သူေဌးကျမင္ေနတာမလို႔ ေစတနာေရာင္ျပန္ဟပ္တယ္ေျပာရမလား..အလုပ္လုပ္ရင္း တကၠသိုလ္ဆက္တက္ဖို႔ သေဘာတူတာမလို႔ အရာအားလုံးအဆင္ေျပၿပီး သူမဘဝေျပာင္းလဲေတာ့မယ္ သူမအိပ္မက္ေတြ အေကာင္ထည္ေပၚေတာ့မယ္ထင္ခဲ့တာ။ ခုေတာ့ သူမလို အထက္တန္းေက်ာင္းသာပီးထားတဲ့သူအတြက္ ၿမိဳ႕ႀကီးမွာအလုပ္က အလြန္ရွားလြန္းလွသည္။
ေနရာအစုံက ဘက္စ္ကားမွတ္တိုင္ေတြ နံရံေတြေပၚမွာကပ္ထားတဲ့ အလုပ္ေခၚစာေတြကို သုံးေျမႇာင့္ေရညႇိထမင္းထုတ္ေလးစားရင္း ဖတ္လိုက္မွတ္လိုက္ ဖုန္းအေဟာင္းေလးနဲ႔ ဓာတ္ပုံ႐ိုက္လို႔ရသမွ် ႐ိုက္သိမ္းလိုက္နဲ႔...ကိုယ္နဲ႔သင့္ေတာ္တဲ့အလုပ္ရွာေနရသည္။ မနက္ကေန ညေနအထိ ေျခတိုေအာင္ႀကိဳးစားပန္းစားရွာလိုက္ေတာ့ ကံကနည္းနည္းမ်က္ႏွာသာေပးတယ္ဆိုရမလား ႀကိဳးစားသူကို နတ္ေကာင္းနတ္ျမတ္ေတြက ပစ္မထားဘူးလို႔ဆိုရမလား.... အဆင့္ျမင့္ျမင့္ စားေသာက္ဆိုင္တစ္ခုမွာ စားပြဲထိုးအလုပ္ရသည္။ လစာကလဲ တစ္လကို 200000 ေလာက္ရမယ့္အျပင္ ေန႔လည္စာလဲေကြၽးတယ္ဆိုေတာ့ အဆင္ေျပတာထက္ကိုလြန္ေသး။ tips ေတြဘာေတြရရင္လဲ ကိုယ္ယူခြင့္ရွိေသးသည္ဆိုေတာ့ ကိုယ္ႀကိဳးစားရင္ႀကိဳးစားသေလာက္ကလဲ ရဦးမယ္....ဒီ့ထက္ကိုပိုကံေကာင္းတယ္ေျပာရမလား..... အဲ့စားေသာက္ဆိုင္နဲ႔ခပ္လွမ္းလွမ္းက 24 hours mart ေလးမွာလဲ ညပိုင္းအတြက္ အခ်ိန္ပိုင္းအလုပ္ေလးတစ္ခုထပ္ရလိုက္ေသးသည္။
ဒီေန႔အတြက္ေတာ့ တာရာ အေတာ့္ကို ကံေကာင္းသည္ဟုယူဆလိုက္ရသည္။ မဟုတ္ရင္ အလုပ္မရွိတဲ့သူမအတြက္ ၿမိဳ႕ႀကီးျပႀကီးမွာ ေရွ႕ဆက္ဘဝရပ္တည္ဖို႔အတြက္ရင္ေလးစရာ။ ကိုယ့္ကိုမၾကည္ျဖဴတဲ့ သူမ်ားအိမ္မွာ ဘယ္ေတာ့ႏွင္ခ်ခံရမလဲမသိတဲ့ဘဝနဲ႔ ေက်ာတခင္းစာရ႐ုံေလးေနရဦးမယ္။ ခုေတာ့ သူမ အလုပ္လုပ္ရၿပီ.... ပိုက္ဆံစုမည္။ ဟိုအိမ္က ထြက္သြားေတာ့ဆိုတဲ့အခ်ိန္တစ္ခုေရာက္လာရင္ သင့္ေတာ္တဲ့အေဆာင္ေလးတစ္ခုေလာက္ငွားေနႏိုင္ဖို႔ ေငြလိုသည္မလား။ ၿပီးရင္ တကၠသိုလ္ဆက္တက္ဖို႔ ႀကိဳးစားရဦးမည္။ ဟိုအိမ္ကေန ဘယ္ေန႔ကန္ထုတ္ခံရမလဲမသိတာမလို႔ ကိုယ့္ဘဝနဲ႔ကိုယ္အစထဲက ႀကိဳတင္ျပင္ဆင္ထားတာ အေကာင္းဆုံးပဲလို႔ထင္သည္။
ဟိုလူ႔အိမ္မွာ ကိုယ့္မၾကည္ျဖဴတာသိသိရက္နဲ႔ ကပ္ၿပီးစားခ်င္စိတ္လဲမရွိတာမလို႔ မနက္စာအတြက္စားဖို႔ ကြတ္ကီးေလးေတြ တစ္ခါတရံ ညပိုင္းစားဖို႔ ေခါက္ဆြဲေျခာက္ေလးေတြရယ္ ႏို႔ဘူးေလးေတြရယ္ ၿပီးေတာ့ တစ္ကိုယ္ရည္သုံးလိုမယ္ထင္တာေလးေတြဝယ္ျခမ္းပီး ဟိုလူ႔အိမ္ျပန္လာခဲ့သည္။
YOU ARE READING
အချစ်တွေအမုန်းတွေရဲ့ အလွန်.....
General Fictionညဘက်မှာပဲ ထွက်တဲ့ကြယ်လေးတွေက နေ့ခင်းဘက်မှာထွန်းလင်းတဲ့နေမင်းကြီးကို သတိရနေတတ်သလိုမျိုး ဘယ်သောအခါမှမဆုံနိုင်ပေမယ့် ကျမရှင့်ကို လွမ်းနေဦးမယ်ထင်ပါရဲ့.... ညဘက္မွာပဲ ထြက္တဲ့ၾကယ္ေလးေတြက ေန႔ခင္းဘက္မွာထြန္းလင္းတဲ့ေနမင္းႀကီးကို သတိရေနတတ္သလိုမ်ိဳး ဘယ္ေသာအခါမ...
