"وُعودنا التي كانت مِن قلبنا .. رغم أننا لم نوفي بها إلا أنها مازالت عالِقة بي..
ولا تنسى الوعد ايضًا علامة لقول أحِبك"
______
شعر بالونَس والأُلفة، وابتعد عنهُ هم الوحدة الكئيب عندما وجد عائلته امامه التي أشتاق لها ولم يعرف قيمتها إلا عندما فقدها، كان يُفضل الجلوس بمفرده مع هاتفه أو التسكع في الخارج، لكن الآن يتمني لو يقضي عمره مع جدته، حِبّوا مَن في إيديكم، سواء كان أب أو أم أو أخوة أو أصدقاء أو حتى حبيب، لا يجب أن تلهيكُم الدُنيا عن مَحبتهم مهما رأيتُم.. لأن لا أحد يبقي وقد يأتي صباح فجر عليهم ولا نراهم في مساءَ الليل.
عانقته نغم بحُبٍ قائلة:
-وحشتني أوى البيت وحش جداً من غيرك.
-إنتوا كمان وحشتونى، كُلها أربع أيام وآجى البيت، وهكمل علاج بقى في البيت أحسن هنا اتخنقت من الجو الكئيب ومفيش حد معايا.
ابتسمت نغم وهى تربط علي كتفه:
-كُلنا معاك، وأنا هاجي كل يوم أقرفك شوية وأحكيلك رواية من اللى بقرأهم .
-ييي لا خلاص انا مبسوط لوحدي.
ضحكت نغم وهى تنغزه في كتفه قائلة:
-بقى كدا هو انت تطول.
أردف نبيل ببسمة:
-متقلقش ياهيثم ، وأنا فاضلي اسبوع في المستشفي هقضيه معاك انا.
-ليه ناوي تعتزل الطِب؟ مصدقش خالص.
-لاء طبعًا الطب دا حياتي كُلها، بس هسافر أشتغل في فرع الشركة برا .
-وهتسيبنا؟
-دا لفترة مؤقتة.
-أتمنى .. عشان كلهم بيقولوا كدا اصل اللي بيتغرب مش بيرجع الدُنيا بتسرقّه هناك ..
تنهدت مديحة وهى تقول مقاطعة حديثهم:
-مش وقت الكلام دا خلينا نقعد شوية سوا، طمنى عنك يا حبيبي إنت كويس؟ بتذاكر.
-بصراحة لا يا تيتة، أنا مخنوق الفترة دي ضغط من كل حاجة ومش عارف أركز خالص .
أردفت نغم بهدوء:
-أنا شايفة إنك متدخلش الامتحانات السنة دي لحد ما تخف .
-بس أنا شايف تتحدي نفسك، وتلحق السنة اللي هتضيع من عمرك وجرب ولو سقطت مش هتخسر حاجة تبقى آديك جربت برضو.
أنت تقرأ
"وصيّة واجبة التنفيذ". مُكتملة.
Misterio / Suspensoكتب والدها الحبيب بعد وفاته وصية سرية قد تقلّب حياتها رأسًا علي عقب وتذهب بها نحو الجحيم. وصيّة واجبة التنفيذ. بقلم/سامية صابر.
