رواية( ومازال قلبي يحبك) البارت(3)بقلم :- أسماء أبوشادي
___________________________________
مر أسبوع على رجوع نور وسما من شهر العسل وكانت الحياة بينهم جميلة جدا وكأنهم طايرين في السما عايشين في دنيا لوحدهم
وسما رجعت بقت تصلي وقربت من ربنا ودا كان بتشجيع من نور وكان دايما يفكرها بمعاد الصلاة حتى لو هو كان في الشغل وهي في شغلها كان يتصل بيها ويطلب منها تسيب اللي في ايديها وتصلي
سما ونور يصحوا الصبح يفطروا مع محمد وبعدين كل واحد يروح على شغله والساعة 4 العصر بتروح سما على البيت علشان تتغدا مع نور وأبوه وبعدين نور ومحمد يرجعوا لشغلهم وسما تفضل قاعدة في البيت
بالليل سما في الحمام بتاخد شور و
نور جه من الشركة طلع على اوضتهم وسمع صوت الدوش فعرف أن سما في الحمام
نور خلع جزمته بهدوء وأطفأ أنوار الأوضة كلها وراح نام على السرير وغطى وشه وجسمه كله
سما خرجت من الحمام لابسه البورنس بتاعها وكان لونه ابيض
سما بتوتر / إيه اللي طفي النور كدة أنا مطفتهوش
سما فضلت ماشية بالراحة لحد ما وصلت لمفاتيح الإضاءة وشغلت النور وقالت
الحمد لله دي الضلمة دي حاجة وحشة أوي
( سما راحت على التسريحة وقبل ما توصل )
سما برعب لنفسها / إيه دا أنا شوفت حد نايم على السرير
( رجعت بصت على السرير و شافت اللي نايم عليه وطبعا نور نايم بطريقة غير اللي بينام بيها خالص ومغطي جسمه كله )
سما واقفة تبص ومش عارفة تتحرك ولا تعمل حاجة كأنها تمثال وعمالة تفكر
سما لنفسها / يكونشي نور هو اللي نايم. لأ نور مابينمش غير وأنا في حضنه وبعدين هو بيتصل بيا قبل ماييجي
طيب يكونشي حرامي. لأ يعني لو حرامي هيدخل ينام على السرير وكمان هيدخل أزاي من الحرس بتوع القصر دا منظرهم يرعب
دا كفاية شكل شهاب لوحده
طيب لو هو مش نور ومش حرامي يبقي مين ?????????????
سما بدأت تترعش ولسه واقفة مكانها مش عارفة تتحرك ولا تصرخ وعقلها بيقول حاجة واحدة. عفريت 😱😱😨😨
نور نايم على السرير ومش قادر يمسك نفسه من الضحك وجسمه من كتر الضحك بيتهز ويهز السرير معاه
وطبعا كل دا وسما واقفة مكانها وأول ما شافت الرعشة دي في السرير اترعبت اكتر وقلبها هيقف من كتر الرعب وحاسة إنها هتموت في اي لحظة
نور خلاص مش قادر يمسك نفسه فشال الغطى من على وشه وقام وقف وبص على سما لقاها واقفة على جنب وبتبصلوا أوي
نور بضحك / أنتي هتفضلي واقفة كدة كتير
سما أول ما شافت نور وهو بيقوم من على السرير عقلها وقف عن التفكير وحركة جسمها اتشلت
نور قرب عليها وبطل ضحك ولاحظ ملامحه المخضوضة وقالها
نور / سما دا أنا ماتخفيش أنا بهزر معاكي
( سما ماردتش عليه فنور قرب عليها ومسكها من زراعتها الاتنين وبيهزها وهي ولا هي هنا
وهوووووووب سما وقعت من طولها )
نور / سما سمااااا
( شالها وحطها على السرير وجاب البيرفيوم بتاعه وبدأ يفوق سما وهي ولا بتفوق ولا بتصحي )
نور / سما فوقي بالله عليكي أنا والله بهزر معاكي سما يا حبيبتي فوقي بقى
( سما فتحت عينيها بعد شوية وأول ما شافت نور ضربته بالألم على وشه
( حتة كف خماسي سداسي سباعي الأبعاد 😂😂)
سما / أخرج بره مش عايزة اشوف وشك برة بررررررررررة
___________________
ياريت تتفاعلوا بقى بلاش قراءة صامتة
وأنا قولت بلاش تم تحطولي م و M لا بجد مية مية أنا اتشليت خلاص
