رواية( ومازال قلبي يحبك) البارت(4) بقلم:- أسماء أبوشادي
_____________________________
سما / بررررررررررة بررررررررة
( نور اتصدم من رد فعلها جدا وخرج برة بسرعة ونزل مكتبه
أما سما فبعد ما هو خرج من الأوضة فاقت لنفسها
سما / ينهار اسووووح إيه اللي أنا عملته ده انا ضربت نور وطردته من الأوضة دا هيقتلني النهاردة
ليه بس ليه انا عملت كدة
( نور في المكتب بيكسر في كل حاجة قصاده ووقع كل حاجة من فوق المكتب وغضبان جدا ومتعصب )
سما فوق سامعة صوت التكسير اللي تحت وخايفة تنزل لا تحصل الحاجات اللي سمعت صوتها وهي بتتكسر
بعد ساعة محمد جه من برة وكان نور هدأ نفسه إلى حد ما ودخلت الداده المكتب بعد ما استأذنت
الداده / نور بيه العشا جاهز ومحمد بيه وصل ومستني حضرتك على السفرة
نور / قوليله يتعشي لأني أكلت بره
الداده / حاضر يا فندم
خرجت الداده وطلعت لسما علشان تناديها تتعشي وسما طبعا رفضت تنزل وقالتلها إنها مش جعانة ونزلت الداده وبلغت محمد إنهم مش هيتعشوا
محمد / خلاص سيبيهم براحتهم يمكن هيخرجوا يتعشوا برة ولا حاجة
الداده / حاضر يا فندم تأمرني بحاجة تانية
محمد / لأ شكرا
( محمد اتعشي لوحده وبعد كدة طلع على اوضته ونور فضل في أوضة المكتب أما سما فهي قاعدة فوق مرعوبة حاسة ان نور هيطلع في اي لحظة يردلها الألم عشرة
ومرت ساعات كتير على الحال ده
نور فضل في مكتبه وسما فوق في الاوضة
نور ندمان إنه رعب سما وهزر معاها بالطريقة دي وبيلوم نفسه
سما ضميرها بيأنبها لأنها كبرت الموضوع جدا ولان رد فعلها كان غلط على هزار نور واتصرفت بطريقة بشعة
( بقى الحال على ماهو عليه لحد ما النهار طلع ونور ركب عربيته وخرج من القصر
وسما فضلت طول الليل مستنيه نور علشان يطلع بس ماطلعش خالص وفكرت تنزله هي بس خافت يضربها
وفضلت في الأوضة لحد الصبح وبعدين نزلت على أوضة المكتب
وفي الوقت ده كان نور خرج وهي شافته وهو خارج من القصر
فطلعت غيرت هدومها ونزلت راحت عند العربية
سما لقيت السواق اللي بيوصلها واقف جنب العربية
سما / هات مفتاح العربية وخليك أنت
السواق شهاب / أسف يا فندم بس ما ينفعش
سما / هو إيه اللي ماينفعش بقولك هات المفتاح بدل ما ارتكب فيك جريمة
السواق شهاب/ يا فندم أنا معنديش أوامر بكدة فمقدرش أدي لحضرتك المفتاح من غير ما نور بيه يؤمرني ادهولك
سما بعصبية / أوووووف طيب اتفضل اتنيل أطلع على الشركة
السواق / بس حضرتك الساعة لسه 6 ونص هتروحي الشركة دلوقتي
سما بصوت عالي/ وانت مالك وإيه حشرك يتسوق وأنت ساكت يا تديني المفتاح
السواق / خلاص يا فندم اتفضلي
( وصلت سما الشركة وكان لسه مافيهاش حد غير فردين الأمن اللي على البوابة فدخلت على مكتبها وفضلت تشتغل على أمل انها تشغل تفكيرها عن اللي حصل
الساعة 10 كان نسمه وأنس وتالين وصلوا الشركة واستغربوا لما السكرتيرة قالتلهم أن هي جت لقيت سما موجودة
وحاولوا يتكلموا مع سما لأنهم حاسوا إنها متوترة بس هي رفضت وطلبت منهم يسبوها تشتغل وفعلا احترموا كلامها
أما نور فراح المكان اللي في المقطم وفضل قاعد فيه كتير يفكر ومحسش بالوقت خالص وبعدين أخد قرار ومشي وهو في العربية أتصل ب أنس
نور / السلام عليكم
أنس / وعليكم السلام ورحمة الله وبركاته معقولة أستاذ نور بيكلمني بنفسه عامل ايه يا كبير.
نور / الحمد لله معلش والله يا أنس غصب عني الشغل بقى وكدة
أنس / ولا يهمك ربنا يقويك
نور / طيب يا انس أنا حصل بيني وبين سما تاتش كدة وعايز اطلب منك طلب
أنس / أنا حسيت بردو لأن باين عليها انها متوترة أوي بس ما ضغطتش عليها
وانا تحت أمرك أطلب
نور / *************
أنس / ماشي اعتمد عليا في كدة
( في المكتب عند سما )
أنس / يا بنتي لازم تروحي تشوفي الموقع قبل ما تبدئي في التصميم
سما / هبقي أشوفه بعدين يا أنس مش لازم النهاردة يعني
أنس / يا سما المشروع دا مهم جدا وماينفعش نضيع وقت فيه
( أنس أقنع سما تنزل معاه تروح الموقع وهما تحت أدام الشركة )
أنس / تعالى اركبي معايا في عربيتي يا بنتي
سما / لا يا أنس تعالى أنت في عربيتي والسواق يوصلنا
أنس / طيب ليه الحوار دا كله ما احنا نروح ونيجي علطول وهو يستنانا هنا
سما / هو مين دا اللي هيستنى هنا شهاب دا أنت بتحلم دا بني ادم بارد
أنس / ليه يعني المكان قريب
سما / دا لو جنب الشركة بردو مش هتفرق وهيعمله حوار ويقولي أتصل على نور بيه أخد منه أوامر ومش عارف ايه صدقني دا إنسان برأس حمار
أنس / خلاص تعالى نروح بعربيتي وهو يطلع ورانا
( أنس وسما ركبوا العربية والسواق مشي وراهم بالعربية التانية
سما قاعدة في العربية سرحانة وبتفكر أزاي تتأسف من نور وازاي تقنعه يقبل أسفها بدون ما تعصبه
وشوية وأنس وقف العربية ونزل
__________________
دا تكمله للفصل اللي فات علشان الناس اللي قالت قصير
أنا والله غصب عني أنا بعد ما كتبت الفصل كامل وطويل للأسف اتمسح واضطريت أكتبه من الاول بس قسمت الاحداث على فصلين
أتمنى تكون الأحداث عجبتكوا
واوعدكوا بأحداث شيقة جدا القصة لسه في اولها
