ومازال قلبي يحبك

١٤

رواية( ومازال قلبي يحبك) البارت(14) بقلم:- أسماء أبوشادي
_____________________________________
نور في عربيته في طريقه إلى طنطا
حيث تعمل سما في شركة هندسة
نور بملامح قاسية وبنبرة مرعبة 😠😡/ لاقيتك يا سما اخيرا وقعتي في ايدي
أنا هعلمك الأدب لو خليتك تشوفي الشمس تاني
علشان تبقى تطفشي بعد كدة
هكرهك في عيشتك زي ماكرهتيني في عيشتي
يا ويلك يا   هههه يا سمايا.  دا أنتي هتشوفي مني اللي عمرك ما شوفتيه
( ظل نور طوال الطريق يتوعد لسما وينوي لها على كل شر  )
_________________
في طنطا
في شركة الهندسة
وصل بركان الغضب

نور بهدوء عكس ما بداخله / لو سمحتي فين مكتب البشمهندسة سما عادل

موظفة الاستقبال في الريسبشن / نعم

نور / مكتب المهندسة سما عادل

الموظفة / حضرتك مافيش مهندسة هنا بالاسم ده

نور / أزاي يعني أنا متأكد. هي بتشتغل هنا بقالها شهر

الموظفة / طيب دقيقة واحدة حضرتك هستعلم عن اسمها 

الموظفة استعلمت / حضرتك قصدك على البشمهندسة نور

نور بعدم فهم/ نعم بقولك سما
ا
لموظفة / اه يا فندم مدام نور.
حضرتك هي هنا بناديلها مدام نور
علشان كدة انا استغربت لأن لما اتعرفت عليها قالت ان اسمها مدام نور محمد

نور / أوك أوك. ممكن بقى تقوليلي مكتبها فين __________
سما في قاعدة على مكتبها بتشتغل 
ونور طلعلها المكتب
نور وصل وأول ما دخل المكتب وشاف سما

( ليحترق غضبي منكي
ولينهار العذاب الذي عيشته في بُعدك فا بنظرة منك تنهار حصوني يا سمائي )

نور اتثبت مكانه مش عارف يتحرك مش قادر حتى يتكلم كل اللي بيفكر فيه واللي قلبه بيقوله عليه اجري خدها في حضنك
وكأن القلب والعقل اتفقوا على شئ واحد وهو عشق تلك السما التي يتعذب بالبعد عنها

( حد كدة يفكرني هو كان بيقول هعمل فيها إيه لما أشوفها 😂😂😂)

سما فجأة وهي قاعدة على مكتبها حست ان نور موجود شامت ريحته حاسه وجوده

سما / معقول هو هنا لا لا دا من كتر ماهو وحشني. طيب بصي حواليكي. بس ارفعي راسك يمكن تشوفيه
لا لا أرفع راسي بأمل إني اشوفه ادامي وابص مالقهوش
أنا هبص وبس هو أنا هخسر حاجة

( سما بترفع راسها وبتبص ناحية الباب
شافت نور واقف قصادها
قامت وقفت من الفزع غير مصدقة لما رأت
آهذا هو حبيبي وعشقي
آهذا هو زوجي ورجُلي
لم يختلف حال سما عن نور
هما الاتنين واقفين في مكانهم فقدوا النطق ولا يتحركون ولا يهمسون
ولا احد يدري ما اصابهم

( الموظفين اللي حواليهم لاحظوا ان سما قامت وقفت مرة واحدة والراجل اللي دخل وكمان نظرتهم لبعض وسكوتهم )

وأخيرا بعد وقت مش قليل النحس اتفك
ونور اتحرك من مكانه مسك سما من زراعها وخدها وخرج من المكتب من غير ما يقول ولا حرف
وسما كمان أخدت شنطة الايد بتاعتها بسرعة و مشيت معاه بدون مقاومة ولا اي حركة  وهي ساكتة مابتتكلمش
( بعد ما سما ونور مشيوا الموظفين طبعا فضلوا يتهامسوا ويتغامزوا ويحكوا عليهم )

الموظف 1 / ودا مين اللي سحبها معاه دا

الموظف2/ يمكن جوزها

الموظف 1 / لا جوزها إيه دا كانوا بيبصوا لبعض زي اللي بقالهم 100 سنة ماشفوش بعض

الموظف 2/ يمكن أخوها ولا حد قريبها أومال مين يعني اللي هيشدها كدة
لا وكمان هي ساكتة وماتكلمتش

الموظف1/ ومصدرلنا احنا الوش الخشب

الموظف 2/ يا عم بقولك تلاقيه يا جوزها يا قريبها
وبس بقى  أنت شوفت الراجل جتة أزاي لو نفخ فينا بس هيطيرنا
_____________
في العربية
نور وسما في طريقهم للقاهرة وماحدش فيهم أتكلم ولا قال إي حاجة

( سما مرعوبة وقلبها مش مبطل دق دق
وخايفة من سكوت نور
ومستنياه يتكلم أو يعاتبها أو يسألها حتى هي كانت فين وبتعمل إيه )

( نور بيسوق عربيته وقلبه سعيد جدا إن حبيبته جنبه بعد غياب 5 شهور
وفي نفس الوقت جواه بركان غضب مستعد للانفجار في أي لحظة
مستني سما تتكلم تحاول تبرر غيابها
وهنا بقى كان في اختلاف في آراء العقل والقلب

القلب 💗/ اتكلمي وحشني صوتك انطقي

العقل / لو حاولتي تتكلمي هقتلك مش طايق اسمع صوتك أنتي اه وحشتيني بس

القلب / بس إيه ' لازم تتكلم واسمعها أشوف أزاي قدرت تبعد عني  أزاي خانت وعودها ليا

العقل / مهما قالت ومهما عادت هي ماتستحقش حبي ولا عشقي ليها
لأنها عارفة أنها ليا كل حاجة ورغم ذلك
باعتني أيوة هي باعت واتخلت

القلب / اااااااااه للأسف باعت 💔💔💔💔💔

أما سما فكان كلامها مع نفسها  عبارة عن حوار ماتعرفش مين بيتكلم العقل ولا القلب

* هو ليه مش بيتكلم ليه ساكت

* يمكن هياخدني المقطم علشان نتكلم هناك

* بس خليكي فاكرة أنتي ما ينفعش ترجعيله تاني لازم تبعدي

* لا لا مش قادرة دا انا ما صدقت شوفته

* حرام عليكي أنتي عذبتيه كتير عايزة ترجعيله تاني علشان تعذبيه اكتر

* صح مش لازم ارجعله أنا هسيبه يعيش حياته وينبسط

* أيوة مش لازم أحن لازم أقسى علشان يبعد عني ويكرهني
________________
نكمل في الفصل الأخير
توقعاتكوا بقى
قبل ما نكمل يا عسليات
عايزة توقعاتكوا وارائكم
لحسن وربنا أهرب منكوا وما اكملش🏃🏃