رواية( ومازال قلبي يحبك) البارت/ الاخييييييييييييييير (1) بقلم:- أسماء أبوشادي ( Ana Amera Habeby )
_________________________________
الحب الحب الحب الحب الحب الحب الحب الحب الحب الحب الحب الحب الحب الحب الحب الحب الحب الحب الحب الحب الحب
إنها لعنة يا سادة
نعم إنها لعنة
تصيب القلوب وصدقت نجاة الصغيرة عندما قالت ( لا العاشق مرتاح ولا الخالي مرتاح )
يدخل دون إذن يقتحم ويهدم كل الأبواب
وإن كانت حصونكم منيعة بردو هيدخل لا محاله
وكما قالت أميرة السعادة ( أنا يعني 😁😁)
تبا للحب ولمن يريده ( هقولكوا حاجة حلوة بس بعد ما تخلصوا الرواية )
____________
في القاهرة
أمام إحدى البنايات العالية التي تطل على النيل
وقف نور بعربيته ونزل منها ووقف مستني سما تنزل وهو بيبص في عنيها
سما بتبص حوليها بأستغراب هي كانت متوقعة أنهم هيروحوا المقطم علشان يتكلموا سوى أو حتى يروحوا القصر ويتكلموا في المكان اللي ورا القصر
بس نور خالف توقعاتها واخدها الشقة اللي اشتراها جديد وقعد فيها من يوم ماهي سابت القصر
( طبعا سما ماتعرفش هي فين ولا رايحين فين ولا ايه موضوع الشقة دي )
المهم سما لما نور بصلها فهمت أنه عايزة تنزل
وفعلا نزلت ومشيت وراه
سما بتبص في الأرض مش عايزة عنيها تيجي في عيون نور
طلعوا الشقة ودخلوا
نور * قفل الباب ودخل
سما * دخلت وفضلت واقفة جنب الباب مش فاهمه حاجة
نور * لاحظ أن سما وقفت جنب الباب
نور بنبرة آمرة / أدخلي
( اوووووووف اخيرا الصمت اتكسر والنحس اتفك )
سما بتوتر / هو. هو انت جايبني هنا ليه
نور بص لسما بنظرة خليتها اخرست خالص
نور بهدوء / أنا نازل دلوقتي لو رجلك جت ناحية الباب هكسرهالك
( نور قال كدة وخرج وقفل باب الشقة بالمفتاح ومشي )
سما دخلت الشقة وفضلت تتفرج عليها واتوضت وصلت الظهر قبل ما العصر يأذن
وبعد ساعتين تليفون سما رن وطبعا دي كانت مها لأن ماحدش معاه رقم سما الجديد غير مها والحاج رضوان بس
سما / السلام عليكم
مها / وعليكم. أومال أنتي فين يا سما آخرتي كدة ليه
سما / أصل ااااا أصل أنا في القاهرة
مها / نعععععم بتعملي ايه في القاهرة وازاي تروحي لوحدك ومن غير ماتقوليلي
سما / بصي ماتقلقيش أنا كويسة وأنا مش لوحدي. نور جالي الشركة وأنا مشيت معاه
مها بصدمة / نعم أزاي يعني وهو عرف مكانك منين
سما / معرفش معرفش إي حاجة
مها / طيب أنتي كويسة هو عملك حاجة
سما / ماتخفيش مافيش حاجة أنا كويسة جدا ونور ماعمليش اي حاجة
مها / طيب حصل إيه فهميني
سما / محصلش حاجة وارجوكي يا مها اقفلي دلوقتي وأنا هبقي اكلمك بعدين
