تشرق الشمس لبداية يوم جديد تتجهز سيلا لنزول لمشاركة فارس في الإفطار
- صباح الخير يا فارس
- صباح النور يا بت عمي شايفك صاحية بدري ومن غير ماحد يصاحيكي غريبة دي
- و لا غريبة و لاحاجة أنت مش متخيل أنا مبسوطة اد ايه ان روتي جاية
-روتي مين؟
- صاحبتي أنت نسيت و لا ايه أنت مش بعت العربية .
- لا منسيتش بس مكنتش اعرف اسمها على العموم توصل بالسلامة أنا مسافر النهارده عندي شغل مهم في القاهرة و هرجع بكرة إن شاء الله و أظن مفيش داعي أفكرك مفيش خروج من البيت و لا تدخلى مكتبي تاني سلام
- فارس استنى كنت عايزة اقولك حاجة
- خير قولي
- أنت مش سألتني على الشروط الي عايزه اشتغل بيها و كمان روتي أول مرة تيجي مصر فكنت حابة اخرج أنا و هي نتفرج على البلد أنا من ساعة مجيت مش خرجت و لا شفت البلد
-بالنسبة للشروط بتاعت الشغل تقدري تتنقاشي فيها مع صاحب الشغل ما تروحي تعنمي الانترفيو انا موضوع الخروج فأجليه لحد مارجع بكرة الصبح و أكون جهزت حد موثوق فيه يخرج معاكم و يكون مرشد ليكم عشان تعرفوا تتفرجوا و مبجاش جلجان عليكم في أي حاجة تانية
- أنت بجد وافقت أننا نخرج أنا مش مصدقة و مبقتش عارفة أفهمك
-طب أنا كده هتأخر سلام
- مع السلامة
و يتوجه فارس إلى سيارته ليتوجه إلى القاهرة و تجلس سيلا في الحديقة تمسك بهاتفها لتتصفح إحدى المواقع على الانترنت
وصل فارس أمام إحدى الشركات التي تحمل علامة ( F & S) ليسرع السائق لفتح الباب ليقف رجال الأمن لاستقبالة و يدخل إلى بهو الشركة ليقف الجميع لتحيته و استقباله فالجميه يحترمه ليتوجه للمصد و يصعد لمكتبه لتقابله الاستاذة منى مديرة مكتبه
- حمد الله على سلامتك يا فارس بيه
- الاستاذ صقر موجود
- أيوة يا أفندم مستر صقر موجود
- بلغيه إني عايز أشوفه في مكتبي الوقتي و ابعتي لي القهوة بتاعتي
- تحت أمرك
و خرجت لتجري اتصال بمكتب صقر لتخبره بضروة الحضور سريعا
ليجد فارس باب مكتبه يفتح سريعا و يدخل صديقه صقر
- أبو الفوارس صاحبي و عم ولادي
- خلصت هو الباب معمول ليه نفسي مرة تخبط قبل ما تتدخل
- و انا نفسي تفتح الشيش
- شيش ايه
- تفك كده الدنيا مش مستهلة نكدك ده
