علي: نعم في بعض الاحيان ليس كل ما يسمى بالعُلا هو ان تفضيل شخصاً ما على اخر لكنما هناك من يرى نفسهُ رفيعاً وشانهُ عالياً بشخصاً يملك لهُ حباً شديدا
بنين:اوييي خجلتني
علي:بضحكه.. لك فديت الاوييي
بنين: فتحت اديني اله هو اجه حضني وكال
علي: تدرين انا شكد احبج؟
بنين: اي ادري
علي: ههههههه ثقة مفوله
بنين: جا شعبالك لان هذا شيء مو بيدك اصلا
علي: هلوو
بنين: والله غصبن عنك تحبني
علي: استجني بوية استجني غصبن عليه شني
بنين: اي وعلي غصبن عنك
علي: ولج الوصخه لاتحلفين
بنين: دفعته.. انا وصخه موو
علي: اي
بنين: جا يله وخر عندي وبعد ما ريدك
علي:ههههه كلهن فد مره
بنين: اي
علي: ممكن بوسة
بنين: لا مو ممكن
علي: مابيها مجال
بنين: لا مابيها
علي: منا منا
بنين: ابدد لاتحاول
علي: واذا غصبن عليج
بنين: عليوي وخر ترا انا حتى ما اكدر اتحرك منا الجرباية ومنا انت ومنا الحايط وخر عندي
علي: ههههههه كولي اريد اشرد بس مااعرف شلون
بنين: اي والله
علي: لا حبيبي انا ما اجبرج على شيء ماتردينه بس ها انتي كون هم تميلين على نفسج شوية مو فد مره تحرميني منج
بنين:زين خل نروح هناك
علي:خل ناكل لكمه من عهد امس بلا اكل
بنين: خل نروح وهناك اتركيك
علي: لا حبيبي هسه راح اجيب اكل واجي وانتي ضلي هنا
بنين: تخوصرت.. شني شني اضل هنا ؟
علي: اي
بنين: وحق ابو فاضل ولا اضل
علي: فرن هذا مقاببل الباب ماتأخر
بنين: والله جذاب
علي: جبانه والله هذا يم بابنا ما شايفته
بنين: لا
علي: هسه تعالي خل ننزل واذا كلش جبانه ضلي بالكراج على ما اجيب واجي
بنين: احلف ماتتاخر
علي: وداعت عيونج ماتأخر
بنين: تقلد..وداعت عيونج .. اهل البيت بيش مقصرين وياك أحلف بابو فاضل او الحسين مو وداعت عيونج
