حسن: يله تعالو
بنين: رحنا كعدنا شويه وعمتي جابت الغده والتمو كلهم على سفره... ضلو يسولفون ويضحكون لحد ما كملو اكل... كملنا اكل وزينب غسلت الماعين ورفل سوت جاي
شربنا جاي وكلمن راح لغرفته صعدنا انا وعلي للغرفه...
علي: تعالي ولج
بنين: ها شكو
علي: تفتحين هاي الطركاعه
بنين: خليها
علي: لا بس نظفيها ورجعيها
بنين: اوكف خل اجيب الغراض واجي... رحت جبت الشاش و معقم وقطن واجيت... افتحه انت خاف اعورك
فتح الشاش وجان اكو قطن على جرح وخره انا شفته وانا احس شايفه شيء مرعب كدامي بسرعه درت وجهي... ولكك هاي شني
علي: شبيج؟
بنين: ياااا شوف دم
علي: دتعالي عبالي بيج شيء
بنين: خلاص ماكدر اسويها
علي: مو بكيفج تعالي
بنين: تقربت عليه وانا عيني بجرح... هسه مايعورك؟
علي: بس شويه
بنين: والله جذاب
علي: هاي شمالها
بنين: اي والله شوف جرح شكبره وتكول ما يعورني هاي وين صايره
علي: ديلا بساع نظفيها
تمدد بلكاع... حطيت معقم على قطن وبديت انظف بالجرح نظفته وكملت.. اكعد
كعد... لفيت الشاش عليه كملته اردف وكال..
علي: ايدج ثكيله
بنين: شوف منو يحجي على ثكل
علي: اصلا ايدي مو ثكيله
بنين: لا ابداً ولك هو انت لو ضربتي راشدي احس وجهي كله ينشل من ثكل ايدك
علي: عمت عيني
بنين: اي عمت عينك.. خليته ورحت غسلت اديني ورجعت الغراض...
لكيته يكنك تمددت....
فزيت على صوت صريخ كعدت مثل المسودنه راسن خذيت حجابي ونزلت لكيت عمتي كاعده على درج برعب... شكو
ميال: ماكو شيء عمه
بنين: شني وهذا صوتت
ضلت ساكته... فسرت الصوت عرفته صوت تقى راسن رحت للغرفه ليكته يضرب بيها صحت عليه... عليييوي
علي: وحريشي شتردين
بنين: تعال عليك الله عوفها
اجه عليه انفاسه ضلت تضرب بوجهي اردف وكال...
علي: روحي منا
بنين: ماروح تعال معاي انت تعبان
علي: احطج فوكها وعلي
