عفته ونزلت تحت هو اجه وراي لكيت الببت مختبص.....
... شكو
زينب: ماكو شيء
علي: ابوي وين
زينب: بالديوان
علي: ليش مدمعه اكو شيء
زينب: بدموع..يدتي توفت
بنين: احس تجمدت بمكاني ماعرفت شنو احجي... جاي تتشاقين موو
زينب: لا والله ما اشاقهه
علي: انا الله وانا اليه راجعون
بنين: يا الله والله جنت احبها ليش هيج انوب صارلي فترة ما شايفتها خرب حظي ضليت بس ابجي اجه علي حضني...
علي: اشش بوية لاتبجين
بنين: حضنته.. صارلي وايد ما شايفتها
علي: بعد ابوج هيه هاي الدنيا
بنين: يله راحت ورا ولدها احسللها
علي: الله يرحمهم
بنين: ابتعدت عنه.. اكولك عليوي هسه هم تشوف ابوي
علي: لزمتها من وجها وبستها بكصتها.... بوية ابعدي هاي الافكار عنج
زينب: اتنوع لعلي شلون حاضنها وده ماتنزل دمعتها انا من يمي دمعت عليهم لان كلش حلوين بسها بكصتها انا خذاني تفكير كلت لو علي مايحب بنين من ماتو اهلها جا هسه هيه وين راحت منو ياخذها سبحانك ربي خل الها سند يله خذا اهلها...
علي: يله ضلي هنا خل اروح يم ابوي
بنين: ماشي... اجت زينب احضنتي واثنينه انهارينه بل بجي لان احنا نحبها وما يوم سمعتنا كلمه وحنانها معانا غير حتى عن بناتها بس مرضها بالنهايه نهكها يتني صارت ما تجي ولا شيء
اردفت زينب وكالت..
زينب: بنين تحبين علي؟
بنين: اي جا ليش
زينب: مساع من شفته شلون خايف عليج وما وده دمعه طيح من عينج والله انا من يمي دمعت على حنانه انتِ تحبينه مثل ما يحبج
بنين: اي والله احبه جا انا شعندي غيره عليوي ملاذي الوحيد بحزني بفرحي الكاه يمي صح دائما نتعارك ودائما يضربني بس احس مايهون عليه بنفس لحظه يجي يراضيني يحسسني كاني طفلة ماكدر اوصفلج حبي اله
زينب: الله يخليكم ويسعدكم ويفرح كلبكم بالولد الصالح بجاه الحسين
صمت
زينب: اكلج ليش ماترجعين
بنين: عليمن
زينب: على أطفال
بنين: لا يمه المن بعدنا
زينب: ليش طفل حلو مثلكم تشوفون بي ثمرة حبكم
بنين: خل اكمل سادس والله كريم
زينب: ان شاءالله هذا شهر حامل بجاه محمد
