بنين: لا والل... بعدني ما مكمله خذه شفايفي بين شفايفه وضل يبوس حاوطت ركبته بديني بادلته البوسه احس جسمه كله ارتخه.... ابتعدت عنه
هو شمر جسمه على جرباية فاتح ادينه وكال...علي: والله احبج اموتن عليج شسويتي بيه
بنين:ندك الباب رحت اريد افتحه صاح عليه علي...
علي: هيي شوفي لبسج انا كايم روحي كملي انتِ
بنين: لابسة تراكسود ضيق لان ارتاح بي جوه العبايه المهم فتح الباب علي طلعت رفل....
رفل: جاسم جوه يريدك
علي: هسه نازل
بنين: لفيت حجابي ولبست عبايتي وهو بدل ملابسه ونزلنا
ميال: ها يمه وين رايحين
علي: بنين عندها نقزات بكلبها فكلت اخذها للدكتور
ميال: يلة يمه روحو لا تأخرون
علي: طلعنا لكيت جاسم ينتظرني بلكراج اشرت لبنين تصعد بسيارة...
ها يالسبع شكو
جاسم: لا تتطنز جايك بموضوع
علي: احجي اسمعك
جاسم: سالفة امس صدك انحلت؟ ابوي مو راضي يكلي
علي: لا الحمدالله انحلت وان شاءالله اليوم العصر نروحلهن نخطب جهز روحك يا ورع
جاسم: بربك صدك
علي: جا مجذب عليك
جاسم: على هل فرحه ان شاءالله الولد الي يفرحك
علي: اي ان شاءالله يلة روح انتَ عدل وجهك صاير جنك ارهابي
جاسم: هسه اطلعلك احلى من النبي يوسف
علي: امشي ولي وينك وين جمال
جاسم: ههههههه روح يلة شكلك عندك طلعه
علي: اوصلك للبيت؟
جاسم: لا مشكور
علي: طبك مرض
جاسم: ابو حسين حبيبي تسلم
علي: صح هو كبر وصار يغلط بس يبقى زغير وعقله مو من عمره بس الحمدالله كل غلط يتصلح صعدت بسيارة لكيتها كاعده ورا وصافنه....بنيتي
بنين: ها
علي: ليش صاعده ورا تعالي هنا خل اباوع للجمال البتار
بنين: خليني هنا
علي: اسمعي الكلام ويلة تعالي
بنين: اوووفف منك... نزلت صعدت كدام كرص خدودي ومشى
وصلنا للعيادة
بنين: راح نضل منتظرين موو؟
علي: لا حاجز من امس