طلع علي وتعابير وجه ماتتفسر ارتبكت من هل تعابير لان عليوي مايكون ضايج هيج الا اكو شيء دخلو هو حسن للديوان رحت كهدت على بلازما بصاله مع البنات شوية ودخل
تنوعلي وكعد
رحت يمه
بنين: ها بشر ؟
علي: بنين وخري عني
كال هل كلمتين بعصبية وصعد للغرفة خذيت كتابي وصعدت فتحت الباب لكيته مخلي ايده على كصته ودمارات كصته يردن يطكن
حطيت الكتاب على درج ونزعت حجابي... عليوي شبيك
علي: المن صعدتي
بنين: رحت يمه وخرت ايده.... شبيك اكو شيء
علي: انزلي عني
بنين: عليوي شبيك صدك تحجي
علي: بعصببة.... اي صدك احجي وطلعي عني ماريد اشوفج
بنين: ها
علي: يلة بسرعة كومي منا
بنين:- كمت عنه ودمعة بطرف عيني حطيت الحجاب على راسي نزلن دموعي خليت وطلعت لفيت حجابي على المراية الي جوه درج....
طلعت لكيت صوت عمي تارس البيت رحت للمطبخ لكيت زينب جاي تغلي بتيته
سمعت صوت عمي يكول...
...هو متى حبها ونهى عليها لا ويريد يتزوجها هو مو عنده مرته متى لحك يحب بنات العم بنفس الاوان ما تسوى فشلتي من ياسر مساع يكلي ابنك يلعب على حبلين
احس تجمدت بمكاني ماعرفت شسوي كبل رحت لعلي وكفت يمه حجيت بلهفة... عليوي صدك
علي:-شنو
بنين:- سمعت عمي يكول نهى عليها ويريد يتزوجها
علي:- لارد
بنين:- احجي يلهههه صدددك
علي:- اشش انا اشرحلج
بنين: شنو تشرحلي غيررر توك طردتني من الغرفة على شنو وهسه سمعت صوت عمي يكول هل حجي...
علي: بسج دموع وكعدي خل اسولفلج
بنين:- درت وجهي عنه وحطيت ايدي على وجهي كعدت بلكاع واحس روحي تريد تطلع
علي: شهكاتها اترسن الغرفة انا بروحي حاير وهيه نوبه هسه شنو يقنعها...رحت يمها رسن دفعتني.... هيييي شبيبج
بنين:- وخر اديني عن وجهي.... بيه سم سرطان انتَ شكو مو تريد تتزوج من حبيبة الكلب
علي:-اشش بس خل افهمج سالفة لا تتسرعين بالفهم
بنين:- شنو الفهم بالله شنوو كل الي فاهمته صدك بس انا صوجي كتلك والله
علي: بس اسمعيني خل احجيج
بنين:- خليته ورحت ضل يصيح وراي بنين بنين ولا رديت عليه هذه جزاتي فوكها توه هو طاردني من الغرفة ورزلني وهسه يريد يبرر كل الوكت وهو معيشني بجذب بخداع
