الدكتور: البنية متعرضه الصدمة قوية وعندها انهيار عصبي وهبوط قوي فتعال للعيادة اكتبلك علاج
راح حسن ورا دكتور وانا دخلت عليها...
لكيتها مغمضه عيونها ودموعها تصب... بنين
فتحت عيونها وضلت تتنوعلي بحيث ما شالت عيونها مني ضلت امي تحاجيها وهيه مركزه بوجهي ودموعها تصب ماكدرت احجيها ضليت بس مركز على عيونها... تقربت عليها مسحت على متنها وكلت... شلونج
هيه غمضت عيونها ودارت وجها عني... اكو شيء يوجعج
ميال: عمه شبيج احجي اوكو شيء يوجعج
بنين: بنفذ صبر... مابيه شيء
ميال: شبيج عمه ليش وكعتي
علي: يمه مو وكتها وانا رايح اشوف الخروج...
بنين: ضلت عمتي كاعدة يمي وهو راح... شوية واجه كال مايرضى تطلع يكول تعبانة... لا والله شني بكيفه هيه
علي: جا بكيفمن
بنين: عندي امتحان رياضيات
علي: ضلي هسه والله كريم بلكت تتحسنين
بنين: انت صدك تحجي ولك انا مادرسه وباجر صبح امتحاني و رياضيات بعد هلوو العب بيها
علي: جا انا شبيدي غير انتِ ضاقطه على نفسج ولاعبه بروحج لعب
بنين: والامتحان؟
بهل الاثناء دخل دكتور....
بنين: تعالل انتَ بالله انا عندي امتحان رياضيات باجر ليش ما اطلع؟
كلت هيج ضلو يضحكون عليه وانا روحي تتكطع....
الدكتور:هههههه تعالي انتِ بالله يصير هيج تعبين نفسج؟
بنين: و الامتحان ؟
الدكتور: رياضيات موو ، رياضيات سهله صح
بنين: سهلة مو سهلة اريد اطلع
الدكتور: بالله اول شيء هل احزر يا صف، صف ثالث صح؟
بنين: لا خامس علمي
الدكتور: لا شسالفة مستحيل
بنين: هسه لاتضل تحقق اريد اطلع
علي: دكتور اخصمها من الاخير تطلع لو لا
الدكتور: بضحكه...اذا معدلها عالي تطلع
بنين: خوب ماكو شيء انا راسبة باربعة يعني ما طلع
الدكتور: ماكو طلعه و الفيتامينات جابها الولد ؟
علي: راح يجيبها
بنين: بدموع...عليوي كوله والحسين بعدني ما دارسة
علي: ان شاءالله طلعين بس لاتبجين
الدكتور: شكد معدلج ؟ كولي وطلعين
