معجزة حياتي

الحلقه 🤎1

#معجزة_حياتي🤎1

للكاتبة اليتا Aletta
______________ 𓆩♡𓆪_______________

بيان: و هيا طالعه من الحمام وجسمها كله متكسر و تحس بألم ومش قادره تشكي لحد 💔
خوها زكريا: كرها انا نعرف كيف نربيكي يا كلبه و خش بيها للدار وعزقها وقعد يضرب فيها بعدها قعد يفك في سيره
بيان: صبت و كانت تبي تطلع لقت فايزه مرات زكريا مصبيه عند الباب
فايزه: تبحت و مبتسمه
زكريا:كرها من شعرها وين هاربه يعني و رد طيحها و قعد يضرب فيها وين ما تجي تجي 💔
بيان: قعدت غامه على عيونها و تبكي و دموعها ينزلن بدون صوت
زكريا: وقف وقاللها ردي بالك تفكري تتمردي بس نقتلك ... بعدها وطلع
بيان: تبكي و هيا طايحه على الأرض
فايزه: تستاهلي كان درتي اللي قتلك عليه من الاول ما صارش فيك هكي .. و ضحكت وطلعت
بيان:زقعدت تبكي و تتلوى من الألم 💔
________________
فايزه: بيان بيااااان انتي يا بلا
بيان: نعم
فايزه: ديري العشاء للعيال انا وخوك طالعين إن شاء الله نروح ونلقاكي مش دايرتيه بس
بيان: تبحت فيها و هيا واجعها حالها وعدت للمطبخ 💔
ولد خوها: انتي صبيلي ميه
بيان:احكي معايه باحترام
ولد خوها:نحكي معاكي كيف ما نبي انتي قاعده في حوشنا وخده ميه و طلع
بيان: دمعتها نزلت ومسحتها وكملت شغلها

🤎 روايات اليتا𝑨𝒍𝒆𝒕𝒕𝒂 🤎

🤎 اليتا𝑨𝒍𝒆𝒕𝒕𝒂🤎

ثاني يوم
.
فايزه تنوض في بيان..نوضي ياحنه خديتي راحتك في النوم
بيان: تحل في عيونها وكاينات ذابلات من التعب 💔
فايزه:نوضي ضمي الحوش وبعدها وتي العيال و روحك عشان خالتك عازمتنا على الغداء
بيان:هزت راسها😔
فايزه:طلعت و خبطت الباب بالقوة
زكريا: شنو ناضت
فايزه: ناضت بس بعد ما نشفتلي ريقي حتى الحوش امس ما دراته كويس
زكريا: غير بعد ما نروحوا توا نتصرف معاها
فايزه:هضا راجلي اللي كلامه ما يطيحش
زكريا:شنو ما تبيش توتي روحك ولا شنو و غمزلها 😉
فايزه: ضحكت وعدت .. وهوا لحقها
___________

مسعوده: محمد اليوم تعال بدري سلم وليدي عيال خالتك الله يرحمها اليوم جايين على الغداء
محمد: توا نشوف على حسب شغلي ووطلع
مسعوده: ياارب انا تعبت منه لعند امتى بس
جلال: شويه عليه مش هكي نحنا ما صدقنا قعد يروح للحوش
مسعوده: قاعدين صابرين و بالشويه عليه خلينا نشوفو لعند وين توصل وخشت للمطبخ
ايمن: واخيرا طلعت من امبدري نرجى فيك وعزق المفاتيح له
محمد: قصه هذي معش كملت حسيتها
ايمن: بس كأننا تمادينا في القصه هذي واجد
محمد:عندك حل اخرى و ولع السياره و عدو
______________

بيان: كانت تلبس ولبستها عباره عن بلوزه عنابيه بسيطه و سروال امريكي غامق ومعاه وشاح اسود وما حطتش ولا نقطت مكياج عشان ملامحها حلوه موصفاتها ( شعرها قصير وعيونها كبار و ملونات ❤ بيضه وقصيره وجسمها متناسق وعمرها 19 سنه عندها أخ واحد و هوا زكريا و انتو تعرفتوا عليه ....زكريا خذا بيان بعد ما توفوا هلهم وقعد هوا المسؤول عليها ومزال حتعرفو عليهم اكثر🔥 )
زكريا: انتي يا بنت هيا طولنا
بيان: طلعت بسرعه
زكريا:كرها من يدها بالقوه....تعرفي لو نسمع انك حاكيه لخالتك حاجه ندفنك و انتي عايشه
بيان: تهز في راسها 💔
________
وصلوا لحوش خالتهم و حوشها كاين كبير ... نين مرات زكريا فتحت فمها
بيان: نزلت من السياره و تتفرج على الحوش
زكريا: بحت فيها ردي بالك تحكي حاجه
بيان: 😔💔
زكريا: رن الجرس
الشغاله: فتحت الباب
بيان: قعدت مصبيه و عيونها مليانات دموع
مسعوده: فتحت يديها تعالي يا بنتي
بيان: عدت حضنت خالتها و تبكي
مسعوده: سامحيني يا بنتي وقعدت نبوس فيها
بيان: بعدها حولت وسلمت على راجل خالتها
فايزه: تسلم و رافعه خشمها و تتفرج على الحوش كيف كبير بكل
زكريا: كيف حالك يا خالتي
مسعرده: الحمدالله وبعد ما شفتكم فرحت
فايزه: ممكن نسألك سؤال
مسعوده: تفضلي
فايزه:توا الحوش الكبير هضا انتو بس اللي عايشين فيه يعني ما عندكمش عيال
مسعوده: رفعت حاجبها🤨 من اسلوبها.....عندي ولد و بنت بس و بنتي متزوجه
فايز: اها
مسعوده: بحتت في بيان كيف حالك يا بنتي وكيف حال قرايتك
بيان:ابتسمت وكانت تبي ترد بس فايزه نطت
فايزه:هيا وقفت القرايه السنه
مسعوده: بحتت في زكريا عليش
زكريا: قلت السنه تقعد تساعد فايزه في الحوش عشان مش ملحقه على الحاجه و بعدين هيا مافيش داعي تكمل قرايتها
فايزه:ابتسمت😏
مسعوده: انصدمت وبحتت في بيان اللي مطبسه راسها💔
_______________ 𓆩♡𓆪________________

انتظرونا ❤🔥انحبكم❤
عشان جو صقع ومطر🌝 قررت انزلكم روايه تقروها تحت البطنيه بيش تعرفو راحتكم مهما ليا🌝❤

كاتبه( اليتا𝑨𝒍𝒆𝒕𝒕𝒂 )